:الطريقة الوحيدة لاسترجاع الايميل المسروق حصرررريا منتديات الفرات
مرحباً
اكثر الاحيان اشوف بكل مكان موضوع نازل انه ايميلي انسرق,نسيت الباسورد,خمطوا ايميلي....الخ
وما اعرف ليش تنزل هيجي مواضيع..يعني قابل اكو بالمنتديات فد جني يرجعه لو فد شي؟؟!!
المهم اكو سالفة ما اعرف ليش الكل ميستعملهة الي هي ال"Forget my Password"
لما تسجل في اي خدمة على الانترنت:ايميل,حساب بنكي,حسابات مواقع الخ
يطلبون منك مجموعة من المعلومات الي لازم تدخلها
الغرض من هذي المعلومات مو ان يتعرفون بيك وانما الغرض منها في حالة نسيت الباسورد مالتك
فتكدر تستعمل المعلومات الي ادخلتها من سجلت حتى تستعيد الباسورد او بالاحرى تستعيد حسابك
لانه اكثر الاحيان الباسورد يخزن بتشفير one way encryption
المهم
بالنسبة لايميلات الياهو راح اشرح كيفية استعادة الايميل من خلال ادخال معلومات التسجيل
ولو اني ما احب اشرح بالصور عبالك اكو عند العرب عسر فهم الة بالصور:66 (45): بس شسوي :3::3:
اول شي روح على http://mail.yahoo.com
بعدين جوة مستطيلات الايميل والباسورد مكتوب "I can't access my account" دوس عليها
راح تطلع صفحة مثل الصورة هذي:
في حالتنا نختار الحالة الاولى وندوس next
رد: :الطريقة الوحيدة لاسترجاع الايميل المسروق حصرررريا منتديات الفرات
بالمستطيل الاول نكتب الايميل مالتنا وطبعاً بدون @yahoo.com
وبالمستطيل الثاني تكتب الي تشوفها بالصورة الي جواه وطبعاً كل كابتل كابتل وكل سمول سمول
وندوس next
في حالة انه انت مخلي alternate mail (وهو ايميل تخليه حتة في حالة نسيانك الباسورد بمجرد متكتبه راح يرسل الك باسورد جديد على الايميل الي واضعه وبلة دوخة معلومات)
في حالة انه انت ممخلي alternate mail مراح تظهر الك هذي الخطوة وراح تظهر الخطورة الي وراها
http://img217.imageshack.us/img217/5575/92138207.jpg
اكتب الباسورد الي تريده بالمستطيل الاول
وعيده بالمستطيل الثاني ودوس next وهذا هو
مبروك عليك رجعت ايميلك
اتمنى ان يكون الشرح واضح ومفهوم(هم عايزة :هعهعهع
واتمنى انه المواضيع الي تحمل عنوان(انباك ايميلي,رجعولي ايميلي...ألخ) تنعدم
لانه هذي هي الطريقة الوحيدة السهلة الي تكدر ترجع بيها ايميلك
وشكراً
علي العبيدي
رد: :الطريقة الوحيدة لاسترجاع الايميل المسروق حصرررريا منتديات الفرات
شكرا اخي العزيز ابو حسين الورد
على الشرح والمعلومات الرائعة و المميزة
عاشت الايادي ياورد
وبارك الله بك
وتحياتي
رد: :الطريقة الوحيدة لاسترجاع الايميل المسروق حصرررريا منتديات الفرات
هههههههههههههه
والله شعندك سوالف..
الف شكر حبي علاوي
على شرحك الوافي
دائما مميز في اختيار مواضيعك
لك تحياتي يا ورده
ودمت بحفظ الله ورعايته
رد: :الطريقة الوحيدة لاسترجاع الايميل المسروق حصرررريا منتديات الفرات
منورين شباب على المرور
مشكورين يا ورود
تحياتي لكم
اخوكم
العراقي الاصيل
