عاتبني لوحسيت لحظه اني ناسيك
يالتسري بين عظاي جاوين اخليك
من عيني اطلع الماي من يعطش هواي
والكلب كاس ايصيرلو يشرب وياي
مخبل تريد انساك ونسه اليالي
وصورتك وسط العين ودوم على بالي
شنهو الجمال البيك شنهو هاي العيون
اصفن واضل محتار لمن تمرون
اتمى ابوس شفاك وبصدرك اشتم
واكضي حرام وياك ودخل جهنم
موكلب كون ايصير اتمنى كلبين
واحد يظل بالروح والثاني للزين
ادري اليغص بالزاد يتعنه للماي
وانه بحزن غصيت من فركتك هاي
كلبك انته عليل متعجب بهاي
كلبي اندفن بتراب ويصيح هواي
شريان انته وسط الروح وبنصك الدم
والجرح بس وياك وبشوفك التم
رمش انته هاي العين مالحظه ناسيك
اعمى وارد للشوف لمن الاكيك
حب هالوكت جذاب ماكو التحبك
صرف ورصيد تريد وبالحب تعذبك
لادمع ضل بالعين وبجي عليكم
صدكوني هذا الصار كله من اديكم
بالكلب اسمك ضاع بس مالكيته
هذا اسمك صدك يهواي لو بدليته
مقصر تراني وياك يالروحي عندك
صح انته عني بعيد بس روحي يمك
عيوني شكثر تشتاك لجلك يغالي
وصورتك وسط العين ودوم على بالي
سم واشرب الروح لو لحظه تنساك
يالتجري بالشريان عذبني فركاك
من عيني اطلع هواي وبكلبي اخلي
سهران اظل باليل خاف السهر ياذي
من عيني رسمك طاح بس كلبي شاله
حار الجمال البيك شيوصف بداله
لادمع ضل بالعين وبجي عليكم
صدكوني هذا الصار كله من اديكم
مامش جسد بالروح بس نفس ضليت
من هالعشك ياناس صدكوني مليت
ــــــــــــــــــــــــ
بقلم الشاااااعر
كرار المعذب
