السلام عليكم
قصيده الى الطالبات اتمنه تعجبكم
ولا تنسونه بالردود
لو شفت البنات اكشح واحط عطور
واصبغ شيب راسي واصبغ الشارب
يضل ذن الصبغ بس الصعوبه اهنا
تجاعيد الوجــــه واذوبل الحاجب
صح استاذ انه ايصيحولي الطلاب
بس گلبي بهواهم طالبه وطالب
قطارات العمر مرن علي ارداف
واتعمد وياهن امشي متعاگب
اباب المدرسه دكان لام حسين
واجي بحجت اتسوك بس انه ناصب
الفراشه اسئلت عندك بنات اهنا
گلت لا يابه گالت شكو شتراقب
كل ضنهه عليهه اطلعت نص استاو
وطلع كويل عشگها من الصغر ضارب
تخيل جاسميه تبيع عشقيات
بكبر حبوبتي وعدهه الگلب لاعب
انا متاني الي يمشن غنج ميالات
وحليب امهن يسيل وبعده ما رايب
ودوام الصبحي خلص والعصر وياه
وردت اكتب قصيده ولسه ما كاتب
المسائي لمن حلت جني مو بالگاع
لمع سيگانهن خله الگمر غايب
وتدهديت ودخت وارهمت مدري شلون
ورابح كلت انه مغلوب او غالب
بس خفت من اسلم ترد ليه بصوت
يا اهلا بعمي الراي شنجاوب
وتذكرت ابوذيه عن صدى الموضوع
ماخص خيري ابدا شخص بالعم
والحگ ليش عني النطق بلعم
لمن سلمت رداُ هلا بالعم
هنا حسيت دار الكون بيه
:l ove:
اتمنه عجبتكم القصيده تحياتي الفراتي
منقول
