من سكم وكتي ظكت كل العذاب
ودوم روحي عللعذاب معوده
كالو اصبر للصبر مليون باب
وانه هلمليون كلهه مسدده
ربعي تشتل وانه توني بالكراب
شوكت يلحك زرعي موطاح النده
أباب بيته شككت هدمي الجلاب
لاحماني أولا ولا صيح هده
أسنون أبو خميس كظن ماخله ناب
أومن يكشر كل حلاله امفرهده
ركد حيلي والشعر ثلثينه شاب
والدنيه صارت للنذل وبن الرده
ناس ملهوفه وتنام عللتراب
وناس متهنيه بقصور مشيده
وناس نامت لااكو اكل وشراب
ومن تكبل عليهه حيله مركده
موعجيبه اليوم من تلكه الذئاب
جوه رجلين الشياه امدده(تم أضافة شطرين تكمله للقصيده كما
كتبها الشاعر كما ارجو تثبيت الرد كأصل
كي تكون القصيده كامله وسلام الخالدي
القصيدة للشاعر المرحوم
عبد صعب الخالدي
