##شعذرنك##

شعذرنك
بعد ما ضل حجي عندي
واكَول اتعذرك اكَدر
تريد دموعي هماله
وتريد حجايتك خنجر
تريد انسه ؟
اهي لعبة وكت وتكَول منها تروح هم تكَدر ؟؟
موذنبي الجروح البيه من عندك
ومو نار الشماته البيه تتوجر
وتريد اتعذرك خايب
وانه ايام اجيت اتعنه واتعثر
واكابر بلجي اكَول اطباعه تتغير
وتجيني بلهفة المعشر
وتظل ايدي بدفو ايدك تنام وتكَعد وتخدر
واسولفلك ... واسولفلك العشكَ هيجي
اليحب هيجي
الدموع بلا فرح تجذب
تعبت اهواي لابيه اعوفنك
ولا انته التريد النوب تتغير
شجم غلطة وكَولن بالعشكَ تزغر
وجم مرة ترد وتروح ايد بايد وي الغير تتبختر
وانه شجم مرة سامحتك
واغفرلك جثير ذنوب
لاجني اصبحت منكر
لاجني اصبحت منكر


منقول:66 (46)::66 (6)::66 (46):

كلمات اكثر من رائعة
توصف شعور صادق واحساس الشاعر الانسان
لوحة شعرية مميزة ومؤثرة ومعبرة
لك خالص حبي واحترامي
واتمنى لك التوفيق الدائم والتواصل بالابداع

قصيده رائعه وجميله مبدعه ومتالقة انتي دائماً اخت بلسم

دام لنا عطائك ورقي مشاركاتك المميزه

تقبلي تحياتي وودي

بلسم قصيده رائعه لك كل الود والتقدير بوركتي

بلسم الروح:_اختيار جميل وقصيدة رائعه ....تدل على ذوقك الرفيع :66 (46):