دارميات الشاعر محسن الساري يخبلن

جدك وجدي أسباع والكاع اميره
من ثورة العشرين رضعوا ألغيره
* * * * * * *
يا أبن أمي عدنا أجداد محد خذلهم
وأعظم ورث لزماط ظل ألنسلهم
* * * * * * *
أجدادي بالعشرين شدو حزمهم
وبالفاله والمكوار بادوا .. خصمهم
* * * * * * *
أنحب اليحب الكاع والغثها غثنا
كل نخوة الاجداد منهم ورثنا
* * * * * * *
ما هي جديدة أعليك عشك المنازل
انت ابن نشمي وزين من ظهر نازل
* * * * * * *
مر بالرميثة وشوف شمسوي جدك
ظل بيرغه لليوم يخفك أبزندك
* * * * * * *
جدك شهم يا خوي شامخ مضيفة
أيحب جفة الفنجان كلمن يضيفه
* * * * * * *
آنه أدري كلك طيب وجدادك أكرام
وأعرف أبوك أيثور لو جاره ينظام
* * * * * * *
يبن العراق الكاع تعرفها أمك
لو ما عزيزة أعليك ما رخص دمك
* * * * * * *

تسلم يلفراتي
حياك اختيار رائع
وكلمات رائعه
تقبل مروري

آنه أدري كلك طيب وجدادك أكرام
وأعرف أبوك أيثور لو جاره ينظام
* * * * * * *
يبن العراق الكاع تعرفها أمك
لو ما عزيزة أعليك ما رخص دمك


دوم الابداع اخي