سولف انتة
انة خلصت السوالف
واحجي كلشي بكلبك انتة
وشوف عينك....
بالمراية
بيها جلمة انة احبك
شوف عينك
بيها قصة ليل وحشة
وشوف عينك
توصف شما بيك رعشة
والمصيبة ..... انتة بكليبك غرور
اشلون اطب كلبك وافتشة
والمشكلة
بكلبي جبير
يفهم بحجي العيون
اشلون اكض كلبي وافلشة
والمشكلة
كلك غـــــــــــــــــرور
وانة افـــــــــــــــــــــــــور
وبية حركة .... بكد عيونك
كافي يسمر كافي لا تسلهم جفونك
تكشف المخفي بحنينك
شوف عينك
ابد ما بيها غرور
وانة منك حيل ميت
حيل منــــــــــــــــــــك انة ميت
وشوف عينك بيها جور
وشوف عينك
هية مفتاح الامور
شوف عينك
ابد مابيها غرور
ابد ما بيها غرور
الشاعر علي البزوني
