كيكة التفاح و الجزر صحية 100%

ازيكم يا بنااات انا الفترة اللي فاتت خدت قرار اني ارجع لنظام اكلي الصحي و اعود جوزي عليه غصب عنه قصدي يعني اخترع اكلات لذيذة و صحية في نفس الوقت علشان يحب الاكل الصحي زيي لان انا و هو في خلال اول سنة لينا جواز دلوئتي زدنا في الوزن و خصوصا علشان انا لسة والدة سلمي بنتي من شهرين و نص
المهم انا عارفة ان اصعب حاجة الحلويات و علشان كدة اخترعت الكيكة دي صحية و خفيفة و لذيذة جدااااا

المقادير:

3 تفاحات كبار او 4 وسط مقشرين و مقطعين مكعبات رفيعة

3 جزرات كبار او 4 وسط مبشورين

ملحوظة: ممكن استخدام البلح الرطب يقطع اربع و تقلل كمية التفاح و الجزر شوية و كمان السكر لان البلح مسكر

ده بالنسبة للفاكهة بالنسبة للكيكة بئة:

2.5 كوب دقيق

باكت بيكنج بودر

2 معلقة كبيييرة قرفة

4 بيضات

عصير نص لمونة (بدل الفانيليا بتطلع احسن بكتييير)

1 او 1.5 كوب سكر (علي حسب المزاج)

1\3 كوب حليب(لبن يعني)

1/2 كوب زيت نباتي

ملحوظة: ممكن استبدال السكر بنص كوب عسل بس الكيكة مش هتنفش اوي

الطريقة:

1-احط الدقيق و البيكنج بودر و القرفة مع بعض في وعاء

2-احط الزيت و السكر و البيض و اللمون و الحليب في الخلاط مع بعض اضربهم لمدة 5 دقائق ثم يضاف الخليط للدقيق و تعجن

3-تضاف الفاكهة المقطعة و الجزر و يخلط

4-يوضع الخليط في صينية تيفال مقاس 28 ثم توضع في الفرن لمدة ساعة الا ربع لساعة

عاشت ايدج عزيزتي
طريقة سهلة ورائعة
شكرا لك على هذه الوصفة اللذيذة
مع تحياتي لك

يسلموا ايدك اختي
على الطربقة الذيذة
ننتظر المزيد منك
تحياتي

تسلم الايادي دوم الابداع يارررب

شكرا لكي اختي العزيزة
على الطريقه الرائعه
لا تحرمينا من المزيد
وتقبل تحياتي

شكرا اختي العزيزة سهر الوردة
على الكيكة الرائعة و المميزة
عاشت الايادي ياوردة
وبارك الله بك
وتحياتي