انة بلياك كلبي شما يدك يبرد ###

انا بليالك.. گلبي اشما يدگ يبرد.
يا باب الفرح .. والحزن مد الشوف
خايف لا يهب عالي الهوى وتنسد
يا اسود رمش ...
هنيال لون الليل ..
جي لنه ويه عينك دوم .. يتودد
فضلك عالحسن .. انت اخر العنگود
وبستان الورد لو لاك ما ورد
يا زفة عرس .. ضحكتك تالي الليل
ويا عين الصگر .. بالزعل من تحتد
يا لتدع غنج ..
واليحب مو گصاي
ونته اعله الجتل ... مبخوت تتگصد
يا صوغه هدايا ..
وفضفضاك الليل
لا تلتم بديه .. لا هدى .. وتنشد
عودني اعله بعدك ..
ونته ابو طيبات
بلجت عالصبر ..يمعود .. اتعود
گالولك حلو .. وخلوك بيه اتجور
والگلك .. اشوصف بيك ؟ وشعدد؟
أشو لا .. مو حلو .. وما تشبه الغزلان
ولا ريح الگرنفل بيك ... لو رود
ولا عينك مسافة .. وبسمتك سلوان
ولا كل اليشوفك تمر .. يتحدد
ولا الله ابتلاني ... وخالط الجيلين
ولا عمري .. اعله شبة ماي .. يتفرهد
ولا تزهي ابشبابك .. ما خذك طغيان
ولا انت العزيز .. البيك بس ارگد
و لا صوتك شعر ..
وحجايتك ناگوط
وبشفافك نظارة الما حواهه أحد
ولا غاوي ولذيذ ..
وتشبه النعناع
طيبه.. وطيبتك كل يوم تتجدد
ولا طولك مصيبة .. ومثل كل الناس
حسنك مو قبى .... وخدك مثل كل خد
يا اسهل من اسمي ...
وصعب حد الغيظ
وطلاسم لو ردت وياي تتشدد
صدگني احبك حب غريب الطور
واحب صبرك عليه وما گلت لحد

للشاعر الكبير
عريان السيد خلف

:66 (46)::66 (6)::66 (46):

قبل جان الحبيب أيحرك الوجدان
من جان الطفل بالثدي يرضع

هسا حليبه نص دسم كيكوز
لو تنطيه ثلث ممات مايشبع
؟؟؟؟؟؟؟
تقبلي مروري الخالدي

جميل ماخطته اناملك من نقل رائع لشاعرناواستاذنا الكبير
بارك الله فيك
تحياتي الك