اريــد اعزف واغنيلك .. عتابه

اريــد اعزف واغنيلك .. عتابه
وعليك الگلب ما بطل .. عتابه
احن لدارك ما انسه .. اعتابه
وتضل ذكـراك دوم تعم عليـــه

اظن ونّي تِرَس سمعـــك .. وكفّاك
من اگلك مدلي ذرعانك .. وكفّاك
گتلك ليّـه فـك كفك .. وكف فاك
تفك فاك وتكف كفك عليّــه ؟؟!!

يصح عدنة الصحيح ويصح ماصاح
يصاحب لاتصيح الصاح ماصاح
يصح صاحب صحيح ويصح ماصاح
ويصح للبين مايسوة هدية

عله درب العدل نهجك ودانه
يلمثبت نهج جدك ودانه
نود شخصك يمنشخصك ودانه
ونقدم ارواحنه الشخصك هديه

غيرك مايصح للروح مرهم
تحير امريكا لو طاريك مرهم
وماينفع درعهم لا همرهم
اثنين اثنين نطبكهم سويه

منقول

تحياتي وتقديري

اظن ونّي تِرَس سمعـــك .. وكفّاك
من اگلك مدلي ذرعانك .. وكفّاك
گتلك ليّـه فـك كفك .. وكف فاك
تفك فاك وتكف كفك عليّــه ؟؟!!

حلو هذا البيت
لان متعوب عليه
بصياغه الكلمات
مشكور يالغالي
ولك مني ارق التحايا

غيرك مايصح للروح مرهم
تحير امريكا لو طاريك مرهم
وماينفع درعهم لا همرهم
اثنين اثنين نطبكهم سويه


سلمت يداك ياابا اليمامه

على هذا الانتقاء الجميل

كلمات لها نكه وروعه لاتوصف

دمت بهذا التألق

تقبل تحياتي

في غاية الروعة
تسلم الايادي ياذوق
أرق التحايا

الاخوة والاخوات الاعزاء شكرا للمرور العذب :66 (46):

تقبلوا تحياتي وتقديري:66 (46):