البارحه شفت الوطن ....

البارحـــــــــــــــــــــــــة



البارحة شفت الوطن بالطيف اجاني البارحه ..

گتله هلا ومية هلا يابو الخيول الجامحه ..
مديت اديه تسالمه شفت الگلب قبلالجفوف يصافحه ....
شلونك گلت ياموطني وظنوني ظلت سارحه ..
وانقطع وسطي منالخجل من الخجل وعيوني ظلت شابحه..
قال اطمأن ياولدي كفتنا هي الراجحه ..
گتله الْيِرد ياموطني لحضنك الدافي تسامحه !! ..
گال اْليِرد وإلْما يِرد وحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقرء على روحه الفاتحه ..
گتله يبه ياموطني عندي حجي بغزر الدموع المالحه ..
گالاحجي گول شما گلت طبع الوطن مثل الابو واجب عليك تصارحه ..
گتله يبه ياموطني ليش انت من دون الدول صاحت عليك الصايحه ؟؟
وليش انت من دون الدول أطفالك الحلوين بالدم سابحة ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟
وليش انت من دون الدول جيرانه كلهاتواكحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم من حِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بالحجاج هو الذابحه ..
يبقى الوطن هو الاصل والناس هي الرايحه ..
كفكف دموعك ياولد ادري بغريب الدار شوگه الجارحه ..
وادري بغريب الدار كل ما يِعتلي وكل ماصعد وشْما كسب خسران كل ما رابحه ..
حتى الطيور إلها وطن تهاجر لجل لمن يهزهاالشوگ ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وكت يا موطني نحلم وطنا نصافحه ؟؟ ..
وخلاف الوطن تبقىالبشر مثل البهايم دايحه ..
والبارحه شفت الوطن بالطيف أجاني البارحه ..


منقول

تحياتي لكم

شكرا عيني براء ياابن الرمادي لهذه القصيده الاكثر من رائعه للشاعر الكبير عباس جيجان بارك الله بيك وتقبل مروري

مشكور براء على هذه القصيده الجميله
بارك الله فيك والله يحفظك يارب

لا تعقيب00
((الولد على من جان والد))

احسنت يابراء
اختيار مميز ورائع
كلمات اكثر من رائعة
شكرا لك ولهذا التذوق في الإنتقاء
دمت بخير
وتحياتي لك وللوطن الغالي

اقتباس:

---

المشاركة الأصلية كتبت بواسطة سلام الدراجي

شكرا عيني براء ياابن الرمادي لهذه القصيده الاكثر من رائعه للشاعر الكبير عباس جيجان بارك الله بيك وتقبل مروري

---

اخي سلام اسعدني مرورك العطر
وتسلم اخويه الغالي

مشكورين جميعا قد نورتو صفحتي في مروركم العطر

تحياتي لكم جميعا