المجموعة الاولى ابوذيات فردية / بقلمي / تفضلوا

عرفتك من وصلت الحدي ........ وكفيت
واعرفك انت قد وفيت ........... وكفيت
سهم هجرك اجة بالكلب .......... وك فيت
صرخ كلبي وحضن شخص المنية

ردت بالطيف اجيك او كلت ....... بعدين
اوصارت رحلتي ويك ............ بعدين
بعد انت اوبعد انا........... وبعدين
افز من الحلم وصفك ادية .

عجب دنياك تسري ..... مسر حية
وحس مسة شفافك..... مس رحية
شفت ضيمك لونك ...... مسرحية
تفرجت او بجيت اعله الاذية .

خلاني الوكت فلاح .......برضاك
اعتليت انة الارض والارض .... بر ضاك
اذا انت حكمت الناس ....... برضاك
انه تحتك مهمتي اخذ تحية.

رووووووعه
تسلم الايادي
جميلة ورائعة
تحياتيلك

عجب دنياك تسري ..... مسر حية
وحس مسة شفافك..... مس رحية
شفت ضيمك لونك ...... مسرحية
تفرجت او بجيت اعله الاذية .



ردا على بيت الابوذيه الخاص بك

سريت وياك لكن مسرحيه
لان مسراك اعرفه مسرحيه
عشرتي وياك صارت مسرحيه
ضالم مثلت دور الضحيه

وتحياتي الك يا متالق

ابوذيات رائعه اخي العزيز صح السانك وعاشت ايدك
دام لنا ابداعك ونزف قلمك
تقبل تحياتي وتقديري