ردت مرّه بخيـــــــــــــالي .. ارسم العباس
جبت لون العــــــــــلم.. والماي.. والضفه
ومن حطيت ﭽــــــــــــفـّه انخلطت الالوان
ثاري الزهره حضـــــرت .. شالت الـﭽـّفه
الكلفه بأسم عبــــــــــــاس... سهله تصير
بس وصفه.. تصــــــــــــــير كلافة الكلفة
واذا رايد كلام يجـــــــــــــــــــّسد العباس
تاني المهدي يطــــــلع.. واستمـع وصفه
ظل آخر شخص بالمعـــــــــــركه العباس
ومعلوم السبب مــــــــــــن رايته اتعرفه
بس ﭽـان الغرض ينطيـــها فرصه العين
تشرب نور زينـــــــــــــــــب كَبل لاتطفه
ملك ماي الفرات ومـــــــــــاشرب للماي
والجمره بلــهيب احشـــــــــــــــــاه تدّفه
شاف الماي باب وشفــّـــــــته الزهراء
وبعد ترهم يدنّــــــــــــي الماي للشفه!؟
ومن وصّاه حيـــــــــدر بالعقيله شكَال
كَال بعيني بويــــــــــــه الحرّه واتكفـّه
ولهذا جمد دمـــــــــه اعله فص العين
خشى عيون الســــــهم وتشاهد العفه
معلوم الجـــــــــرح منـّه تسيل ادموم
بس جرح الـﭽفــــــــوف مغاير بنزفه
لان ام البنين الغـــــــــــــذته الطيّبات
صَّب درّة لبنــــــــــــها وللصدر وفـّه
اختل وزن الارض من واره الحسين
وحط يمّه اخوتـــــــه وصحبته بصّفه
وخاطر تستقر قـــــــرر علي السجاد
بالعباس وحده يعـــــــــــــادل الكـّفه
