يل عفتني بلايه مرسه

يل عفتني بلايه مرسه
مره تبعد
مره تجفي
مره تنسى

وساعه الكاك انت روحي
وساعه مدري شلون يطاوعك
كلبك وتقسه



اوساعه احسك طفل حاير
ومن ادي محتاج لمسه


تدري من اشتاكلك شيصير حالي
كون يمي تنشد كليبي
وتجسه

وتدري نوبات انه ادور بالوجوه
وانتظر ويكلي كلبي
جاي هسه


ومن ارد مكسور خاطر
تدر بيش مسلي كلبي
احسب جروحه
وونسه

يلمته مبعد تبقى هيج
هالعمر ضايع احسه


وانت..... مره تبعد
مره تجفي
مره تنسى
والعمر مو حاجه هينه
وحتى اغلسه

العمر معناه انت
يعني ثوب العيد انت
شكد بقى بنفسي البسه

وانت نسمة عشب اخضر
وانت فرحة زرع يكبر
وانت دمعة لحن آثر
وانه عطشان لهواك وانت كوثر

مابقى الجلماتي صوت
حتى صوت القلم بيدي
اختنك حسه

وانت.... مره تبعد مره تجفي
مره تنسى

دق شذى كلماتكِ في قلبي دقا
وأستكانت أحرفكِ بين شراييني وأوردتي
لماتحمله من همسات جميلة
أبدعت سيدي
رائعة حروفكِ والأروع أنت
أحترامي وتقديري لروعتكِ

عمي والله مبدع يالعبادي تحياتي الك اين ما كنت قصيده رائعه بارك الله بيك

الله عليك يبو حسين
صح لسانك
وعاشت ايدك على هذه الكلمات والإحساس الرائع
سلم لنا هذا المداد النابض وتحياتي لك عزيزي

كلمات راائعه من انسان ارووع

عاشت الايااادي

مودتي