معقول انت اللي كلت .... قصيدة / بقلمي

معقول انت اللي كلت ابعد ولك وانساني
جا وين حجيك يا ترف
ولصوتك عيوني ترف
اتهجة منك جم حرف
واسمك يثكل لساني
معقول انت اللي كلت ابعد ولك ونساني
مغرور ما تعرف تحب
يالعلمتني اعله النحب
وتريد هسة تنسحب
ابعد ولك شمتاني
معقول انت اللي كلت ابعد ولك ونساني
مغدور بيك اني اصبحت
كلبي وكف لمن رحت
وك ليش بسراري بحت
يالشيعت جثماني
معقول انت اللي كلت ابعد ولك ونساني
جاوبني شنهو اللي حصل
مرسال منك ما وصل
اتمنة لو بس تتصل
تطفي شمع احزاني
معقول انت اللي كلت ابعد ولك ونساني
بالحب وقكع كلبي او هوه
متمرض او ماكو دوه
وجهك يشع مثل الضوه
ومثل اللهب طفاني
معقول انت اللي كلت ابعد ولك ونساني

اخي ماء السماء قصيده رائعه غنائيه تسلم على هذه الكلمات الجميله تقبل مروري

صح لسان وسلم لنا نزف قلمك الرااائع

ننتظر المزيد من ابداعك

مودتي

اتقدم لكل من شارك برده على القصيدة بنمنمات من كلمات مغتابة وحروف معبئة بالعطر الفائحة الذي يضوع بين ازقة بغداد واسمها شكراً لكم جميعاً ايها الأحبة .

قصيدة جميلة جداً بوركت اخي العزيز وسلمت يداك
ودام لنا فيض ابداعك
تقبل تحياتي وودي