الحرامي افضل من ابو الغيره .

امس دخلت محلاً لبيع المواد الكهربائيه . سمعت الحوار التالي بين صاحب المحل وزبون .

صاحب المحل : اخي صدكني الحرامي احسن من ابو الغيره .!
الزبون : يابه شلون حجي هذا ... لعد ليش سموه ابو الغيره اذا مو زين .؟
صاحب المحل : شعليك بالحجي ... انته جربه وشوف . اصلاً هذا ابو الغيره واحد مخنث وفاهي ومابيه خير , لكن الحرامي بس هو اللي يسوي شغل ,
الزبون : كولي بروح ابوك قابل هو عضو برلمان لو وزير حتى يسوي شغل .؟ تره بس هناك الحراميه تسوي شغل , !
صاحب المحل : يا اخي هسه انته ليش متصدك وكلشي مبين من سعره .
الزبون : يعني شلون .؟
صاحب المحل : ابو الغيره بعشرين الف والحرامي ب 45 الف . !
الزبون : طاح حظ الوكت اللي خلى الحرامي اغلى من ابو الغيره .
هنا تدخل طركاعه بالموضوع وسأل يستفسر عما يقصده صاحب المحل والزبون بحديثهم . فتبين انهم يتحدثون عن مضخة سحب الماء .
احدها يسمى ابو الغيره سعره 20 الف دينار .
والآخر حرامي ( يبوك المي من الجيران ) سعره 45 الف دينار .
قلت وانا اخرج من المحل ...
طاح حظ الوكت اللي خلى الحرامي اغلى من ابو الغيره .
وهذا حالك ياعراق اللي صار الحرامي بيه بس هوه المحترم وسوكه ماشي ؟ .
تحياتي للجميع

ااااااااااااااااااااااه وكعت على العله يااخي طركاعه

والله مواضيعك تصب بالصميم

هو هذا الوكت صار بس للحراميه الذين اخذوا جوائز الاوسكار بالسرقه

هو حرامي اثنين 10 100 لا يعدون ولا يحصون

خليه سكته احسن


تحياتي

صدك حرامات وياوسفه على هذا الوكت