أجمل قصيدة ...............

اذا مقفول كلبك من زمان الفات
تره المفتاح عندي وباجر انفتحه
الليل اشما يطول شما يخيم عليك
لابد تجي الساعه الينولد صبحه
لاتعتب عليهم ورد مو قداح
من ورد الجذب لا تنتظر نفحه
صح مجروح كلبك والجرح نيشان
وماينّسي الصار من المحب جرحه
بس حبي دوه وجرحك ورود يصير
لو شم حبي تبقه اورودك مفتحه
ولا تعتب على الخله الدموع اتسيل
وخلّه خدودك من الدمع منجرحه
صدك انسه كلشي وانسه ذاك الفات
واخذ عيوني يمك كلبك اتفرحه
لتّاني العوج يصلحلك الي صار
الاعوج طبعه اعوج يصعب اتصلحه
والخده ايتلكه ادموعك الي اتطيح
هذا الحك نعم صك الثقه اتمنحه
عمرك صح تطشّر بين هذا وذاك
بس خيط ارد اجيك والظم السبحه
كلما ارد ارسمك ارتجف حيران
بس اوصل العينك تعجز اللوحه
ومن اكتب شعر واتصورك موجود
اسمك من اكتبه اتصفك الصفحه

http://www.dijlh.net/images/smilies/9999999.gifللأمانة منقول وأتمنى يعجبكمhttp://www.dijlh.net/images/smilies/9999999.gif

تسلمين قصيده رائعه شكرا للنقل وتقبلي مروري

أنت الأروع
منوووووور الموضوع بمرورك العطر

اقتباس:

---

المشاركة الأصلية كتبت بواسطة علي عباس العبادي

الله عليك تسلم يامبدع واصل بداعك

---

أنت السالم أخي علي
بس ملاحضة صغيرونة : أني بنت