لبيتك مااجيب الروح... وتطيب
ويجي يوم الجروح تهيد... وتطيب
مو هيج اليجازي الوفا... والطيب
عشت جرحك... تحط جروح بيه؟؟!!
********
حركتني بغيابك... يامحامي
ولك عمري كضيته... يامحامي
بعد يلحك عليه... يامحامي
اذا روحي وعلي رفعت قضيه
********
ازرع ورد واحصد شوك... وجني
وغرامك بألف لهبة نار... وجني
ياقاسي الكلب دمعي حرك... وجني
ولا مره عطف كلبك عليه
*******
بصحرة شوق ضامي ارجوج... ميعاد
اعد والزمن واكف ابد... ميعاد
اباوع عالوجه والطول... ميعاد
شمس تمشي بملابس جامعيه
********
عطر منك يمرنه بسد... وردنه
زرعنه الخير بينه وما... وردنه
خبر مكتوب لو منك... وردنه
اجيك زحوف واحجيلك عليه
********
حبك صار الي معبد... وقبله
اتقبل منك اي نقد يجي... واقبله
ابوس الحجر واشمه... واقبله
لأن قاسي مثل كلبك عليه
********
علي عزت السلوى... من يسلني
وصديت بغمد هجرك... من يسلني
شكول عنك الشامت... من يسلني
اكابر والدمع يغلب عليه
********
حميتك دافعت عنك... ورحماك
الطعن اهون ولا عطفك... ورحماك
كلت اوليك ماعوفك... ورحماك
وليت وطيبتي عمت عليه
********
عليهم ياكلب مهموم... بعدك
تريد الكرب وهم يريدون... بعدك
جميل اعمل لنفسك ذكر... بعدك
عمر ثاني الذكر بعد المنيه
*******
اقلامي كلهن حبر... وانت جافه
خافن بيوم تبعد عني... ونتجافه
صرت اني مثل الماسنجر... وانت جافا
بعد ياهوو اليكدر عليه
********
حفظتك عالكلب يسمر... وراويك
اكلت اليابس بثمرك... وراويك
كونك يااسمر تجيني... واراويك
عليك عيوني طاحن بجي بيه
********
ياظالم ويلك من الله... ياظالم
والمظلوم هم لله... ياظالم
شما طال الصبح لازم... يظلم
وتحتاج لضواي وترد اليه
********
خلص عمري بصدودك... كله مني
وعلي ماجن طيوفك... كلمني
آنه اللي جرالي... كله مني
جبت بيدي الجرح دليته بيه
********
ياكلبي اياك ثم اياك... واياك
من صديق الضحك... وياك
يجمع بالحطب ويريد... ويك (وجك)
ويفرح لو تشب نيران بيه
********
وحق اللي تعبده الناس... وحده
حبك سلب مني الروح... وحده
هذني اثنين وانت اختار... وحده
ترحل لو تظل محبوب اليه؟؟
منقوووووووووووووووووووووووووووووووووول
منقووووووووووووووووووووووووووووووووووووووووووووووو وووووووووووول
