يل وجهك كمرطالع تمام التم

يل وجهك گمر طالع تمام التم
ويل عينك جرح ما يوم ضن يلتم
ويل شعرك مصيبه الشافه مايسلم
ويل نگلت اجدامك معلم وتلميذ
يعلم للنگل والشاري مايفهم
فحل التوث طولك شيخ عل البستان
ولكهه تصير مثلك هل الخلگ تحلم
وشوصف هل الحواجب سيف لو رمحين
لو مدفع يثور عله الخلگ بالدم
يل خدك عجيبه مدوخ الانضار
گطرت ماي خدك ماضن تلم
يل خزرت عيونك تحرگ الصوبين
ويا صوب التشوفه احترگ من الهم
والطاح بغرامك لاتضنه يعيش
ولا من هوه الباري يا خلگ يشتم

حلوه وعاشت ايدك العبادي
تحياتي لك