اريد الثم خدودج والثم الشامات
يكوثر ذولي اهلي وجوج متعنين
وإن ردوهم اهلج لاتلوميني
انتي بالهند كوليلي لو بالصين؟؟
لو بالموصل انتي يا نظر عيني؟
احبج يالمحبتج صار الها سنين
عذبيني بغرامج حيل عذبيني
اريد اخرج عن الاوزان والقيفان
واريد ارمي صلي هاليوم شوفيني
اريد املا الشوارع لافتات اشواق
وفبحر حبج اريد العوم غركيني
اريد الثم خدودج والثم الشامات
واريد بشوك لو طليت ضميني
واريد اصفن بوجهج واسمع شتحجين
ومن تحجين خلي عينج بعيني
تعالي تقدمي خلي اضوك الخوخ
ومن شفتج عسل عطشان ارويني
واريد الجوري اشمه اليوم بالرمان
واريد العن ابو العنج يمنعوني
آني الفاض بيه الشوك كالبركان
نفذ صبري" يكوثر" جافت طعوني
هذي مو محبه آني شفت الضيم
وفوك الضيم هالعذال لاموني
يكوثر ذولي اهلي وجوج متعنين
وإن ردوهم اهلج لاتلوميني
الكناري
يونس الجبوري
