القلم ينزف مشاعر من يصير بإيد شاعر
القلم ينزف مشاعر من يصير بإيد شاعر
وعمت عين الما يكابر بالشعر واحتار بامره
تعب حتى الشعر مني وربي يومن شاف فني
الكناري من يغني يطرب الزوار شعره
يرسم اللوحات بيده بسرعه يضغطها بقصيده
البنت كامت تريده والعجوز تجر حسره
لومشى بشارع تشوفه الكل تتمنى كفوفه
تفتن وتسحر حروفه وتنقري الفين مره
لو بصوته تسمعونه كان ودكم تذبحونه
ربك مكحل عيونه كعيون طيور حره
الشعر يجري بوريدي هو حزني وهو عيدي
ولو تحب تسمع جديدي هاك اخذه هاك واقرا
وروح كله لنهر دجله انكان عندك شغل اجله
خذ سلامي ومني عجله ووصل لمحبوبي فكره
وصل لمحبوبي روحي وكله يابلسم جروحي
ان كنت ما ترضي طموحي ارضى لو حققت عُشره
ارضى منك لو تجيني يا حياتي ونور عيني
امنحك حبي وحنيني وتطفي للمحبوب جمره
تدري انك عذبتني بالغرام واسعدتني
ادفنّي يللي موتتني في ضلوعك واخذ اجره
تدري غيرك ما اريده لو يجيني وروحه بيده
اني حبيت الوليده المثل صدر الطير صدره
كسر خشم الذيب اريده يجيب كلاشنكوفه بيده
ومن يشوف اسمه بقصيده يدعي نار العدو كبره
وسلامتكم
الكناري
يونس الجبوري
27/2/2009
رد: القلم ينزف مشاعر من يصير بإيد شاعر
شكرا اخي العزيز الكناري الورد
على الكلمات الرائعة و الجميلة و المميزة
عاشت الايادي ياورد
وبارك الله بك
وتحياتي
رد: القلم ينزف مشاعر من يصير بإيد شاعر
اقتباس:
المشاركة الأصلية كتبت بواسطة اسدالعراقي
شكرا اخي العزيز الكناري الورد
على الكلمات الرائعة و الجميلة و المميزة
عاشت الايادي ياورد
وبارك الله بك
وتحياتي
