ومضه للام ... وقصيدة للام الغاليه

الومظه

أمس شفت الشمس خاطرهه مكسور
المطر بلل جمرهه اوصارت ارماد

وسمعهه تصيح بصوت تعبان
وتكل لمي دخيلج يم الولاد

اولأن كلب امي كعبه ابواقع الحال
لكيت ابحظرة امي اتطوف بغداد

كاتلهه الحزن من رادت اتروح
شدت شيلة امي او طلبت امراد

القصيده

امي من ينزل دمعهه
تنزل ادموع اليتامه
ولذلك تون سكته
اولوبجت تبجي ابهمس
امي من انام اخرنه تنام
اوغبشه تكعد خاطر اتكعد الشمس
امي لعيوني ظوه امي لجروحي دوه
امي اذا يمي اشم عطر الحنان
وذا تبعد عني مااشتم هوه

امي قرِِِِِِِاااااااني بجيهه
امي سر الكون بيهه
امي اذا شالت اديهه عللدعاء
وي ادين امي المناره اتشيل اديهه
اوصوت اذا الجامع ايعوف الأذان
اويلتهي ابصوت امي ويردد حجيهه

امي من ايغيب حسهه
الدنيا جن غابت شمسهه
امي من توكف تزور ابصحن امام
تندعيلي اوتنسى ماتدعي النفسهه
اوتحب لون الليل الاسود امي حيل
لأن يشبه لون شيلتهه اولبسهه


الشاعر وعد السرحان

سلمت الانامل الذهبيه
على هذا الانتقاء المميز
وتحياتي للشاعر المبدع وعد سرحان
تقبلي مروري المتواضع على صفحاتكي المشرقة
ولكي مني ارق التحايا

اسعدني مرورك اخوي الطيب حيرد مرور رائع ومميز دمت بالف خير وتحياتي لك

امي من ينزل دمعهه
تنزل ادموع اليتامه
ولذلك تون سكته
اولوبجت تبجي ابهمس
امي من انام اخرنه تنام
اوغبشه تكعد خاطر اتكعد الشمس
امي لعيوني ظوه امي لجروحي دوه
امي اذا يمي اشم عطر الحنان
وذا تبعد عني مااشتم هوه
شكرا لهذا الاختيار الرائع والمميز
وتحيه للشاعر وعد سرحان
ودمتي بالف خير
مودتي

وربي روعه كل كتابتك رائعه عاشت اناملك ياحلومه الورده اتمنالك كل التوفيق خيتي الغاليه

اسعدني مروركم اخواني الطيبين دوم التواصل ياربي
وتحياتي للجميع