الزمن الجميل والزمن الكووووووووووول

البنت لما حد يسألها.. إنتى مخطوبة؟
زمان: - لسه ربنا مأذنش, وعينها فى الأرض ووشها يحمر
دلوقتي: - لأ ليه عندك عريس؟ إيدي على كتفك.. ناس معندهاش نظر
ولد حب يتعرف على بنت
زمان: الولد لو راح يكلم بنت.. بعد ما تطلع عينه.. يحمر وشها.. ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها
دلوقتي: الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي عليها اخوها ومعاه صاحبته يعملها باي من بعيد وهى ترد عليه ويمشي.. يمكن افتكر اللى واقف معاها ده عمود نور.. طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي.. يعني حتى مش خطيبها.. هيعدي عليا دلوقتي وعلى فكرة بيغير عليا موووت

نزول المرأة للعمل
زمان: كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي: - هوا قاسم امين.. هو اللى بهدلنا.. هو اللى نزلنا الشغل وخلانا نتبهدل.. انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا؟؟

الولد داخل على باباه ياخد مصروف الاسبوع
زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه

دلوقتى:

- إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟ يالا اختصر عشان معنديش وقت وصاحبي بيرنلي عشان انزل.. ايه يا عم مش سامعني يعني؟ عايز الفلووووس...المونييييي

طبعا فرق شااااااااسع بين زمان ودلوقتى اكيد واخدين بالكوا مش كده

شكرا اخي العزيز على ايام زمان............. واليوم
تحياتي

كلامك صحيح عزيزي
والفرق شاسع جدا

شكرا لك على هذه المقارنه الظريفة
وتحياتي لك

كلامك صحيح
مشكور اخي العزيز
ننتظظر الجديد
تحيياتي لك

دلوقتي: - لأ ليه عندك عريس؟ إيدي على كتفك.. ناس معندهاش نظر

ههههههههههههههههه
جميل اوي يا مان
تسلم وعاشت ايدك
مع تحياتي

هههههههههههههههههههههه
كلام زى العسل ياميدو تسلم يامان

نورتم الموضوع بمروركم
تحيااااااااااتى