@@@ وكت العتب @@@
يجى وكت العتب واتعاتب وياك
واخليهن بديك اذنوبك وياى
انه الشلتك جمر يحرك بالجفوف
واضل خايف عليك يلوحك الماى
اثر سهم المضة منك اداويه
واحضر لى مكان لسهمك الجاى
اتلكه الحزن منك واهم بيك
وياملكه اليسرك مثل ملكاى
مثل صبيره اموت من العطش موت
اشرب دمعتى ومااخسرك الماى
وكل روحى صبر واتحمل جروح
اجرح لا تخاف اتحمل هواى
صبيره وصديقى العطش يفلان
حسبالك اذل من تكطع الماى؟
هينه شما شفت منك اجازيك
اردهه اضعاف الك دكاتك وياى
شجره انى واكيد تردلى فد يوم
من ادكك شمس وادور فياى
تاخذ يسرتى ساعتها يفلان
كل زين الالك منطيته يمناى
اتحاسب اوياك الجرح بثنين
اعوف الراح الك بس احذ الجاى
اعوف الراح الك بس اخذ الجاى
للشاعر ضياء الميالى
:66 (46)::66 (6)::66 (46):
