:66 (6)::66 (6):
يشور الزاد طبعا منخونه
وفزعنه بساع نركض منخونه
الغدر يكتل لونه منخونه
لان طعن الظهر اعضم بليه
******************
شكه وبهمومه كلبى سل سلالك
وبثر وحشه غيابك سل سلالك
وغله محصول تعبى سل سلالك
ادز بيهن عنب ودزلى اذيه
*********************
تون روحى بسبب فركاك بهداى
اولون ينتك تموت الروح بهداى
يهد روحى البعد والموت بهداى
اولون هديتنى انهد عالوطيه
**********************
الدنية احتارت بشخصك ولفلاك
وكلبى انشد على كلبك ولفلاك
ودليلى مهو غيرك ولفلاك
وصبح نبضى وى نبضك سوية
**********************
كبل بايام المدارس جنت اغيب
لا دفاتر لاكتاب ولا قلم
جنت اضم كل طاقتى ليوم الخميس
لان هذا اليوم بى رفعة علم
**********************
يمى والحلك من فات بللاه
لاذت بالدليل الاه بالاه
شفته وماعذت ياناس بالله
لان شيطانى كام يعوذ بيه
********************
وحك الله وملائكته والكتاب
ماتاب الكلب لاحد ولك تاب
بعدك لاشعر اقره ولا كتاب
لان حتى القلم يبجى عليه
********************
عفيه شلون عندى عيون جرعات
اعانده وتفك الجفن جرعات
انه مدمن وشوفك صار جرعات
الصبح حبه والعصر محتاج ميه
***********************
نذر عمرى الحبيبى انطيه يوعاد
وعجب كلبى ابجفاك اشلون يوعاد
شنى ظلمك ثمود وياى يو عاد
ناكت صالح اتعكرون بيه
**************جفيت ومن جفيتو ماتملكم
بدليلى ونصب عكلى ماتملكم
عجب للحين روحى ماتملكم
تفرفح كالطفل ليكم بديه
*****************
تقبلوا اختيارى
منقول :66 (46)::66 (6)::66 (46):
