لملم اغراضه وشال العشكَ
وعليه ماتت الروح بسرعه
وبــعد شيرجعج يروحي
ماظن للمات بعد رجعه
بجينه اعليه اهواي دموع
اعله العشكَ ماظلت ولادمعه
تركني وراح بليله ظلمه
وحرت الليل اشلون اجرعه
ناديت العشكَ وصحتله اهواي
ماريدك يكَلي كمت اسمعه
وكَلي لاتظن بعد ارجع
وخل تضيكَ بعيك الوسعه
وللفرح كَلي بعد لاتشتاكَ
لان من عركَه راح اكَطعه
يدكتور الكَلوب بسرعه داويني
كَلبي انشلع كَلي اشلون ازرعه
وشنهو دوه المشلوع كَلبه
يظل هيج عايش باللوعه؟
كَبل شمعه العشكَ وينور
وبيش انشوف اذا طفوا الشمعه
زرعنه العشكَ بنص الكَلوب
بس ما يخضر وارد اشلعه
منقوول لعيونكم
