اهم الادوات التي يجب ان تكون بحوزتكم بسره البانزين

اهم الادوات التي يجب ان تكون بحوزتكم عند دخولكم سرة البانزين في العراق:-

1- 12 جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر

2- 17 لفة فلافل بدون عمبة لان العمبة ترفع درجة السيارة 11 درجة مئوية ( كما جاء في تقرير المعهد العالي النووي لأنتاج قياطين القبغلي)

3-12 سطل مي (2 تشربهم و الباقي تغسل بي) و للاحتياط يرجى وضع الليفة في المكان المخصص لها(جوة الكجمجة)مع صابونة ديلوكس مستعملة حتى تاخذلك فد قاط قاطين نظافة و انتة بالسرة مع شورت نظيف و فانيلة توضع في الخزانة (صندوك الورة فوك السبير)

4-12 رزمة جرايد( الزمان الصباح الشاهد المستقل) مع انتقاء المجلات ذات الكلمات المتقاطعة مثلا كلمة من 4 احرف بمعنى نصاب شنووووو؟ بحار و ابقة حل الى ان يجيك السرة

5- لا اتعيط ولا اتصيح لمدة يومين لان راح تحتاج العياط و الصياح بالسرة( لمن واحد يطبك و يحاول يضرب السرة)

6- 18 كاسيت من خضيري ابو عزيز لحد حسناء لان راح تسمعهن كلها مرتين 3 و السرة بعدة ما جايك

7- املي الشحن مال موبايلك و سوي فووول حتة اتكضي الوكت اللي يبقة بالمسجات و الفايلات اللي عندك

8- 23 باكيت اكلنكس عبوة كل قطعة 12 كيلو عرك استعمل كل قطعة مرتين بس

9- 8 قواطي بيبسي ................
10- قنينة اوكسجين خاف يا ستار تتخربط يتلحكون عليك تنحط عال كشن الورة

12- هوياتك و بطاقة السكن و القصة التموينية دنيا هاي خاف كلشي يصير

13- مهفة حجم 2 طن تربط يدويا و يتم تحريكها بواسطة الساعد (ايدك يعني) مع قوة دفع 14 لفحة بالدقيقة

14- 3 تكات جكاير سومر ام التتن المعفن حتة تحرك و ترجع لي ورة مع باكيت شخاط علامة النقيب(3 نجمات) حتة اتنعثل براحتك)


:66 (72): :66 (72):

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههه
الله يساعدكم كل هاي بسرة البانزين بس حلوه منك امير
ضحكت والله
عاشت الايادي مللللللح

هاي شنو اشو المنتدى صار غير شكل على البايسكل هههههههههههههههه
شكرررررررررررا سومة على المرور
تحياتي

ههههههههههههههههههههههههههه والله صدك امير بس نسيت فد شي مهم يجوز كل هاي وانت متفول


مو صح

مشكور

عاشت ايدك اموري ولو ذكرتنة بالسرة مال بنزين

هههههههههههه
الف رحمة على والديك على هذا الموضوع يخرب ضحك
عاااشت ايدك والله

بس اني مع الاخ ازوجان
احتمال كل هاي وما اتفول
شيصير بيك ؟؟؟؟؟

مشكور وعاشت ايدك حبيبي اموري على الموضوع

عاشت ايدك امير على الموضوع

وهو احلى شي يوصلك السره ويكلولك يله عزلنااااااا

هههههههههههههه


تحياتي
الك