اسمعنى *******

:66 (6): اسمعنى


ارد اكتب قصيدة وكون تسمعها

وشوف اشكد عشك شايل بمطلعها

القصيدة بس الك واخفيها عن الناس بس يمك اجى ويمك اطلعها

اسولف بيها كلشى ومااضم اعليك وعلى جفوف القوافى اسرارى اوزعها

كلبى اسرار بيه محجيته امن سنين لاذب حجابها بحضنك وافرعها

القريحه اتحركت بيه واجانى الهام ومااعرف الفكرة منين منبعها

منجم شاعرية وكلها طمعت بيك وشكو كلمة غزل حسنك مصنعها

وانه اليوم اجيت وحاير ابدى منين روحى ال هوس حبك كلبى دافعها

دفنت نوحها روحى وتعنت ليك يبو جفوف الحرير ارحم بمدمعها

جوعانة اشكثر للعشك صار هواى بلذة شوك روحك روحى اشبعها

كطرة مطر طاحت روحى وانت الكاع ترجع للغيم شلون تقنعها

يالفكيت بابك لا تسد الباب وعلى لو مو قفل رزاتك اشلعها

ماخسران كلشى اتصير لو متصير روحى بنار حبك عيشة مصرعها

يالطبعك نحل لو عسل لو لدغات ياهى التصح منك مانرجعها

روحى معلعلهوماصدكت تلكاك صدك حتى اذيتك يعنى تنفعها

نور النور نورك ششعل بملكاك روحى اتحيرت ياحجة تصنعها

اعلكلك شمع عشرة اشتضن تفيد اخلى اضلوعى مشعولةاوية اصبعها

ومثل شعرة اصبحت واثنية مجانين ماتكطعهه بيد انه اكطعها

لا تطلب طلب بس كلى اتمنيت ولك انه بخدمتك عينى اشلعهه

وماازعلك ابد ولو بالشقة اتشاقيت مثلبايد الخيط الدنية اكطعها

وقبل لتمر عليه بشهر كون اتكول حتى الكاع مدرى الكاع شزرعها

للشاعر الكبير

جبار رشيد :66 (46): :66 (6): :66 (46):

تسلمين بلسم لهذا الابداع اختيارج موفق وجميل ويسلم الشاعر الاخ جبار رشيد بارك الله بك

الله الله عاشت الايادي التي نقلن عن الشاعر

اختيار موفق لقصيده رائعهتحياتي لك