على حالي { تجليبه } بقلمي

معذب والكلب يشكي اسباب تعذيبه
طير امريض ياسهم اليجي ايصيبه
***
على حالي خلي البال كال وعاد
وصرت ابحلك شماتي مثل ينعاد
انه جروحي جثيره ومايفيد اضماد
وكلبي اشما نزف عالراح شيجيبه
معذب والكلب يشكي اسباب تعذيبه
***
على حالي حجه الماينسمع حسه
وكلمن ماعرف أصله وكدرنفسه
بجاني الدهر واعداي متونسه
وطيحني ابشرك ملفوف بالخيبه
معذب والكلب يشكي اسباب تعذيبه
***
شك زيج الصبر صبري وتعب حيلي
وضكت الآه والونه ونغم ويلي
نهاري ابنوح ومناشغ عشت ليلي
جرحي اجبير حيره اشلون تطبيبه
معذب والكلب يشكي اسباب تعذيبه
***
تعبان وعليه السان هالوادم
جروح الضيم ماخلن كتر سالم
ومتيه صرت مظلوم لو ظالم
والمبعد غصب حيره اشلون تجريبه
معذب والكلب يشكي اسباب تعذيبه
***
خلتني الليالي هم غصن مكسور
ومابين الضلوع الكلب حر تنور
نيران الهظم حبسي وصرت مجبور
وبناري احترك كل أثر للهيبه
معذب والكلب يشكي اسباب تعذيبه
طير امريض ياسهم اليجي ايصيبه
**********************

روعة تسلم وتعيش

كلمات معبرة ولوعة ومعاناة سطرت باحلى تعبير

تقبل مرورى على صفحتك

اقتباس:

---

المشاركة الأصلية كتبت بواسطة بلسم الروح

روعة تسلم وتعيش

كلمات معبرة ولوعة ومعاناة سطرت باحلى تعبير

تقبل مرورى على صفحتك

---

نورت وتعطرت الصفحات بمرورك شكرا لك وتقبلي حلو المنى وخير سلام