ويعود العملاق نائل المظفر

يومية الصبح اسمع خبر مو زين * ويومية العصر اسمع فجيعة
عراق وكلك اسود حتى بالاخبار * الابيض بيك بس وجه المذيعة
....................................................................
راح اسويلي حزب واصعد عليه * كله صعدت كله هيج هواية
واني باية لباية اريد اصعد غشيم * ثاري عدنه احنه الدرج بس باية
مو مهم شراح اسوي شراح اصير * شكد احصل هيه هاي الغاية
مركز الترشيح سويتوا ضريح * ولانتخابك راحت المشاية
تالي ردينة الرؤوس على الرماح * وانت يم بيتك تدوس الراية
الراعي خلي يراعي قولك يا رسول * صرنه بحلوك الذياب حجايه
للوطن غير اللطم ماجبتوا شي * راح اعزلك وانتخب ملاية
المنتخب مامنتخب بس سوة شي * وانتوا مجلس منتخب لغلية
شرايك انخلي الوطن نادي يصير * ماكو عدنه بالابد من هايه
العلم شبجه ويونس نخلي رئيس * والنشيد يصير يا علاية
.......................................
شر بليتنه الدمع نضحك عليه * واحنه عدنه الفاجعه بكل ثانيه
نقرا بس البسمله على اللي يموت * مانلحك عدنه موتة هواية
نوصل لحد مالك يموت الوراه * حتى ما نلحك نكمل الايه
خلي تمساح بظلم بالشط يجول * لا تطعمه ولايه بعد ولايه
ندري جاي تصيده وقصدك شريف * بس حرام بدمنه تخبط ماية
انت مثل الباني مسجد للصلاة * بس فارش العتبه بمصلايه
ياسياسيين يااهل العقول * ياحجج يا ايه
اين حقي اين من يبحث عليه * اين من جاره يشوف ويايه
روحي طكت يا ابو مراية ارد اجيك * شوف جارة لشعبي يا ابو مراية
كتله مد ايدك اللي وذب السلاح * وكال من عيوني هاي وهايه
ومدلك ايده وكلبجت بيده الحديد * وغصن زيتزنك طلع سلاية
هسه شال ايدة بعد صير انت ايد * خلي اشوفنك صقر فختايه
وخاف ماتفهم لهجتي اسال صديق * كله فسرلي شيكلك هايه
.....................................
مودتي

محتاره الغاليه شكرا للاختيار الجميل
والشكر موصول للمبدع المظفر تقبلي تحيتي
ودمتي

مع تحياتي
القصيدة جدا لطيفه
ولكن هناك ضعف في الابيات

المنتخب مامنتخب بس سوة شي * وانتوا مجلس منتخب لغلية
شرايك انخلي الوطن نادي يصير * ماكو عدنه بالابد من هايه



يقول عجز الشطر الاول
وانتوا مجلس منتخب لغلية \\\ لغلية واكفه
اعتقد هي لغاية
وان كانت هكذا
الاصح
يصبح العجز
وانتوا مجلس منتخب لاجل غاية
\\\\\\\\\\\\\\\\
اما عجز الشطر الثاني
ماكو عدنه ياليد من هاية
اعتقد هناك خطاء مطبعي لان العجز غير مكمل لصدر البيت
\\\\\\\\\\\\\\\\\\\\\\\\\\\\\\\\\\\

ثم هناك ملاحظة
على الشطر التالي

ومدلك ايده وكلبجت بيده الحديد * وغصن زيتزنك طلع سلاية

المفروض
وغصن زيتونك طلع سلاية
تقبل تحياتي
ولامانع من تثبيتها
وتقديم وسام لصاحب القصيدة
او اي شيء تقترحه
تقبل تحياتي

مع تحياتي

القصيدة لطيفه ورائع هو تقييمك ونقدك الجميل لزحاف بعض الابيات وتضارب المعنى

القصيدة تستحق التقييم بخمسة نجوم
تقبل تحياتي وتقديري

شكراًاًاًاً جزيلاً على هذا المرور الرااائع

نوووورتوا صفحتي

وشكراً على التعليق الجميل والتقييم واسفه جدا على الاخطاء التي وجدت في القصيده

تحياتي لك اخي الغالي ابو الغيث ويكفي مرورك على هذه الصفحه البسيطه

مودتي

سلمت الانامل اختي العزيزة محتارة
على هذه القصيدة الاكثر من رائعه
للشاعر المتالق نائل مظفر
تقبلي مني خالص الود والتقدير
مع ارق التحايا

مشكوووور اخويه الغالي على مرورك العطــر

كان صفحتي سماءاً وكنت انت قمرها

شكراً لك من القلب

مودتي