قصيدة ماردت احبك تمبدع ايهاب المالكي

ماردت احبك حــــــاولت
من لفظة اسمك حاذرت
جلمه وشلتهه من الحجي
من اللسان اخفيــــــــتهه
و بيبان روحي مقــــفله
وعن لا احب سديتـــــهه
صلفه امنــــياتي الرادتك
سئلتني عنك بس صمت ؟؟
كلـــــــــــش ولاحاجيتهه
كالتلي وينه ؟؟وجــاوبت
مادري مادليتـــــــــــــهه
ماردت احس حبـــك لان
كبلك الروح انطيــــــتهه
ولخاطرك رحت اعــــتذر
منيت بيهه لخاطـــــــرك
مثل الطفل ..لمن يمن بحاجته
وياك اعزناسي انتهه ...
وماكمت احس بعازته
أبدربي كلت لو مو سوه ..
امشي حياة بلادرب
يمكن يشح عني الهوه ؟
لابس جذب...
معقولة مانمشي سوه ؟؟
معقولة في لحظة الشمس
للكاع ماتتنطي ضوه ؟؟؟
وتنتهي ومانلكه صبح ؟
معقوله يطلعلي جرح ؟؟؟
معقوله ؟؟
ريشة شفتك ؟؟
ترسملي بالضحكة رمح ؟؟
لا ...موصدك
خلينا من هذا الحجي...
بجفوني سولة عللبجي
وصيادة كاعد بالجفن للدمع شايل فالته
وياي احسك جن صرت مثل الهلال وهالته
كالولك يعوفك تره ؟؟
تذكر كبل ؟؟
كتلي شكلهم ؟؟
كتلك أي.....كلهم لمن من يمي تمشي جنازته
هوانه عايشلك لان ؟
دمي الاعز مابالجسد بس انته تعرف حالته
من مايحس بلمستك
يخلص وتبقى وشالته
تذكر جنت
من تعتنيلي بدمعتك مشتاك حتى تشوفني ؟؟
وتلكاني روح مشككه ولمسات اديك تروفني
تتركني هسه قررت ؟
ينطيك كلبك ننتهي وبس بالاحلام تشوفني
تتركني هيج بلاذنب ؟
بررلي حتى لوجذب
مليت كلي كمت امل
شيحمله ليلي بوحدتي
عندك عذر ..
مليت كلي .....كمت امل
شيحمله ليلي بوحدتي
ماينحمل عدك تره
وجذبت كتلك ينحمل
كتلك لمن تمشي تره تتركني وحدي جن طفل
تايه ..
وكل اهله مشو ..
عايش ايتاني الماأجو...
كلشي اليمر يفززه ...
حتى الشماته اتفززه..
من يمشي ويهب الهوه
يلتفت حسباله حجو
لكن لمن يتذكرك
حتى الشماته ..
المابجو..
من شافو دموعه بجو
هيج آنه من عني رحت
ماتسكت جروحي ولودورتك انه بشدتي
شفتك وطن حنيت الك
لكن لكيتك غربتي
احتاريت منهن ياهي اصح
مابين ذلي وعزتي
اختاريت اعوفك حتى لا
تكسر قرار دمعتي
او ونيت سكته ماردت
يشمتون بونتي
صح اضحك بنبرة فرح
بس ركز بصوتي بعد
تسمع نحيب بضحكتي
هم مثلي كلبك مانسه
وهو بعد من تمشي درب
تذكرني خطواتك بعد ؟
تترك فراغ لخطوتي ؟
لاتسكت ال لا بينت
بين اثرهه بعبرتي
ولاتلتفتلي بس ردت
انطيك اخر مابقى وهوشبقى ؟
مني خذت كلش وبقت
دمعات ليك بذمتي
منقول

مشاركة رائعه وكلمات جميلة بوركت اخي العزيز

تقبل تحياتي وتقديري

لابس جذب...
معقولة مانمشي سوه ؟؟
معقولة في لحظة الشمس
للكاع ماتتنطي ضوه ؟؟؟
وتنتهي ومانلكه صبح ؟
معقوله يطلعلي جرح ؟؟؟
معقوله ؟؟
ريشة شفتك ؟؟
ترسملي بالضحكة رمح ؟؟
لا ...موصدك
خلينا من هذا الحجي...
بجفوني سولة عللبجي
وصيادة كاعد بالجفن للدمع شايل فالته
000000000000000000000000000000

ياعيني عليك00
بوح هذه المشاعر نقلتني من حيث انا الا من لا انا
اتدارك الكلمات للرد00واتمنى وبلا حسد لو كنت انا من كتبها
تحياتي لك ولشاعرنا المبدع00المالكي
تقبل مروري

جميلة هذه الكلمات
والأجمل منها - هو الأحساس الذي يتخللها بين السطور

ياعمار
احسنت الإختيار عزيزي
ننتظر منك المزيد
دام لنا هذا العطاء
وتحياتي لك