يهل تنشد لحالي حالي فاني
وبس الحزن بعدك حالفاني
ابد ما احب غيرك حالف اني
واجتف روحي الك بثنين ادية
واذا اجتفهة بيدك انتة حلهة
وروحي تحب عشرتك وانتة حلهة
لغز صارت محبتك وانتة حلهة
تحلهة بساع حتى تصير الية
ونصير احباب منك وانتة منة
وانة الما عدنة صدك ونتمنة
شكد نحلم بشوكك ونتمنة
شجاك وبالوصل تكطع علية
واحنة الما كطعنة بيوم وصلك
لان شخصك نعرفة منين واصلك
صيامك ما يفيدكك بعد وصلاك
لان دمي بركبتك ضل الية
لون ناسي الكتلني ودفني
وخذت بالعشك فني ودفني
لون تدري انة شودي ودي افني
ديار اهلك هذيج ال علوطية
واكلهم حكي اريدنة وثاري
لان يمكم لكو جثتي وثاري
ابنكم هوة كاتلني وثاري
دفني وما يريد يدلي بية
لان جفوفة بس الهم ودلي
ومليتة بحزن فنجاني ودلي
بعد ما اعلم بجرحي ودلي
لان ياهو الاعلمة يلجمة لية
واكل للجرح يمعود وك اشفة
وصديجك روزة بالمحنة وكشفة
حبيبي الجرح ما اشوفة وكشفة
لان يحسبهة نقطة ضعف بية
وانة الما بينت نقطة ضعف لة
وحبة بكلبي لو يدري ضعف لة
الجسم بجفاه يمدلل ضعفلة
وصفيت بمجهر يدور علية....
تقلبلو خالص ودي
منقول:66 (46)::66 (6)::66 (46):
