الحب الاول\ نائل المظفر

لانك بالتزامك مومن اهدك
واخاف تشيل ذنبي مومن اهدك
منو بكدي يحبك مومن اهدك
من بكدي يحبك من عشرتك
وتمنى يصير اصبع من عشرتك
وانا شكضيت خايب منعشرتك
اعد بسنين عشرتنا وهي اجروح
واحس ويالنفس يطلع وهج روح
واخيرا كتلي ودعني وهج روح
اروحا وين ما اكدر هوى انت
وانا الما هان من اجلك هوانت
والي بدنياي شي واحد هوانته
وحرت بين ان تركته وانتبعتة
انا الونيت والون ون تبعته
ما باعك حبيبك انت بعته
حبيبك باع عمره واشترك بيه
وحزن كلبي على حزنك واشتركبيه
وبعد شدوس كلبي واشترك بيه
جبل حبه وتكلكل من تكلبه
ويدنيا شما دفعتيه لن تكلبيه
واذا تنساه يكلبي لنته كلبي
ولا اريدك بعد وبصدري احملك
وحبيبي شلون ترضى بصد رحملك
اذا حملك يتعبك بصدري احملك
الي وروحي الارض وشكد دوا الهه
وتداوي الداء لو بالمخ دوي الهة
بس العين ما يحصل دوا لها
دواها العين خلها من تقربيه
وتصب كلما تشوفك منتقربيه
ولك شيصير حبك من تقربيه
تحبني انت يقين بصدري موشك
الف شوكة سكوت بصدري مو شك
انذبح كلبي وتشظى بصد رموشك
وعرف محد يدفنه وشي دفن شي
وعكب صدره المواكد شي دفن شي
كفر من رسم غيرك شي دفن شي
واظن للجنه يدخل من يرسمك
وحبيبك يمسح اسمه من يرى اسمك
بسمك حبي جمالك من يرى اسمك
وانا الليل بعيونك شفته كحلة
وشفت شمس الاصيل وشفتك احلى
العسل من ضكته كلك شفتك احلى
اذا لو من شفاهك بستك اشفى
اذا انت المات يعدل بس تكشفه
شتظن حبك يضعفك بس تكشفه
وعلي تخفي اهتمامك واكتراثك
وانا المن مات كلبي وكتي راثك
نسيت الحب الاول وك تراثك
صدك ينسى تراثه هسه جيلك
وتشوف ازواج عيني هالسجي لك
وانادي وما تكلي هسه اجيلك
صحتلك يا وصارت كبر يائي
واذا رائيت بالشط كب ريائي
حبيبي شلون تجرح كبريائي
وتذلني كبال كل ناسك وناسي
وبقيت بصحرا شاتلني وناسي
ناس تكول لا تسكت وناس ايه
لان كلش مذلتي لاكتلهم
وجبل حبي المقدس لاكه تلهم
كالو حيل ذلك لا كلتلهم
عناية احتاج كلبي وجاي اعاني
وخفيت شكثر منك جاي اعني
تمرمرني من ازورك جايع اني
شكثر ندمان جي بيتك عتبته
وعرفني الباب من دكته وعتبته
عتابي وياك جي احبك عتبته
كلبي شلون يمهم وانكسرته
اسير وذل شجالك وانت اسرته
كبل جانت اسرتك وك اسرته
هسة اسرتك سمتني الضحيه........زنجيل ابو ذيه ارتايت ان اضعه في منتدى الشعر الشعبي لاقتراب البناء من القصيدة ارجو ان تنال رضا واستحسان حضراتكم ولكم الشكر:2: