اذا سألتموني عن حبي للعراق كان جوابي قصيدتي

مشكله الوطن مابي شعب مرتاح


ومشكله الشعب مايكدر يعوفه





احبك يا وطن لو بيك الف جلاد


وحبك لو جرح كتال ما اروفه





حبك نار بيه واشتعل بالنار


وانه ابنار حبك روحي ملهوفه





تطيب جروح غيرك ياعراق الخير


وانت جروح كلبك لسه مكشوفه





حرامات الوطن ينزف مهج وارواح


وبي قبه علي والوادم تشوفه





يامسلم زمانك والوكت غدار


دشوف اثار مسلم لسه بالكوفه





وعاين على الفرات شسوه بي عباس


شك روحه النهر وانتحرت جروفه





عدنا من الشجاعه امثال تلوه امثال


كلها ابشيمه العباس موصوفه





وعدنا اول مضيف معزب الخطار


دك ساسه الحسن من جود معروفه





وياحاتم زمانك والشعب جوعان


خاطر ماكسر فد يوم لضيوفه





يبو عيون الشهل خليني اسولف بيك


واحجيلك عليه شلون سالوفه





عشكتك بالزغر من طحت فوك الكاع


روحي من الطفوله وياك مشغوفه





حبيتك رغم كل الجروح البيك


وقبلت الجفوف الباست اجفوفه





روحي ابحضرتك طافت على الشباج


يا اجمل ضريح الوادم اطوفه





واحلفك يا وطن تمسح دموع الناس


خطيه دموع شعبك تضل مذروفه

:4:

حرامات الوطن ينزف مهج وارواح


وبي قبه علي والوادم تشوفه




والله قلوبنا ترتجف حزنا نتناسا الاحزان ونلهي نفسنا

ولكن يبقى القلب حزين ودموعنا بطارف اجفاننا


عراقنا عراقنا صبرا فلايبقى شي على حاله


تقبلي مروري

لاتعليق/////
بس اكول انتي وردة وتبقين وردة
تحياتي 00تقبلي مروري

رناوي ان شاء الله متشوفين حزن بحياتج يارب

امير شكرا علكلمات الجميلة وانت الورد كلة

منورين

اختي الغاليه

يابو الخير انته اتفيض خيرات
علل جيران وعيالك مساكين


العروبه والعروبه وهل تفاهات (مقطع من قصيده
حدر جدمك أقدمهم قرابين؟ بحق الوطن )


تسلم ايدج يامبدعه
وحياج الله