محاوره بين الدكتور والمريض والحبيبه

رحت آنه للدكتور أشكيله حاله
كال المريض أشبيه كل عله ماله
ج المريض
لاتنشد الوياي أنشدني آنه
فر كلبي أعله هواي ماهو أبمجانه
الدكتور
الجرح هذه البيك أمغزر أوياك
يالتم وعرفه أيطيب من يجبل أهواك
المريض
تكدر تصل الأحباب كلبي أوتكلهم
أوصل علاج الموت وانه بملهم
الدكتور
الساعه والعباس دلني أحبابك
ملزم أجيبه أوياي ولحم أصوابك
المريض يصف للدكتور
من توصل المشخاب خامس فرع ميل
تلكي الحزن غاطيه والمدمع أيسيل
الدكتور يصل الحبيبه
الحمد الله أوليج ها من الكيتج
من النجف للمشخاب عاني أعتنيتج
الحبيبه
نعله اعلبو الدكتور أعله هل عمله
الباله عايز ظيم كلبي أويجمله

نعله أعلبو الدكتور لابو الفراريش
ما يدري بالدلال امفلشه تفليش
ــ ــ ــ ــ ــ ــ
هذه المحاوره للمرحوم الشاعر
عبد صعب الخالدي

محاورة جميلة
وابيات دارمي رائعة
شكرا لشاعر غرام
ودام لنا هذا التميز والعطاء

وتحياتي لك عزيزي

اقتباس:

---

الدكتور
الجرح هذه البيك أمغزر أوياك
يالتم وعرفه أيطيب من يجبل أهواك
المريض
تكدر تصل الأحباب كلبي أوتكلهم
أوصل علاج الموت وانه بملهم

---

والله وصح السانك ولسان الشاعر المرحوم الخالدي بوركت

تقبل تحياتي ياطيب

روعة هذة المحاور الشعرية اللطيفة
والله اوجعني قلبي وانا اتابع هذه المداخله
بس اشوية جان الدكتور قاسي بالبداية
تحياتي اخي00بانتظار جديدك يا رائع