طك فش . كلشي ما فتهمنا ..
من ارشيف قناة طركاعه الفضائيه
السلام عليكم
تعودت الحاجه بلاوي ( زوجة حجي طركاعه ) ان تردد كالببغاء كل مايقوله زوجها ..
اسمعها تتحدث مع زائراتها من نسوة المنطقه ( وانا جالس على النت اكتب موضوعاُ في القسم السياسي او ارد على موضوع ) . اسمعها تتحدث في صالة البيت مع النسوه وكل كلمة والأخرى تقول ( لا عيني .. حجي طركاعه كال هيج ... حجي طركاعه يكول فلان غلطان ... حجي طركاعه يكول ابو محمد ماله حق يتعارك ويا ابو حسين ... وجاي ابو التفاحه احسن جاي ابو ابو الخوخه ....
بمختصر الكلام انها تحشر طركاعه في كل موضوع ... والأدهى والأمر انها في الآونه الأخيره بدأت تتحدث في السياسه وكانها عضو في البرلمان ...
في آخر حديث لها سمعتها تتحدث بالآتي .. ,اليكم نص الحديث :
تقول الحجيه بلاوي لزميلاتها : عيني شو كلشي ما افتهمنا ... عمرنا خلص وما افتهمنا منه شي .. لا من اللي راحوا ولا من اللي اجوا ...
سالتها احداهن : عيني حجيه بلاوي .. حجي طركاعه كال هيج ؟.
بلاوي : لا عيني ... آني اكول .! ( لأول مره يخرج طركاعه من حديث حجيه بلاوي) .
تسألها واحده أخرى : شلون عيني كلشي ما افتهنا ؟.
تجيب بلاوي : من جان حكم الملوكيه .. جان الشعب يصيح ذوله الملوك تابعين للأنكريزي وعملاء .. واصلاً هم مو عراقيين .. جابوهم الأنكريز من السعوديه وحطوهم علينا ... وهذا الوصي لعابه بيد نوري السعيد . ونوري السعيد اكبر خائن وعميل لأبو ناجي ( ابو ناجي تسميه كان يطلقها العراقيون على الأنكليز ) .
وبعدين سووا انقلاب على الملك ( سوده عليً كتلوه وهو بعده شباب ... حتى عرس ما معرس ) وأجانا عبد الكريم قاسم .. والله عبد الكريم خوش آدمي .. سوا اصلاح زراعي وأخذ الكيعان من الأقطاعيه وانطاها للفلاليح .. عيني .. ويكولون امم النفط بقانون رقم 80 ..وبنى بيوت للفقره وكعدهم بيها ... بس شو ورا فتره هم سووا انقلاب عليه ... شنو والله .. يكولون هذا شعوبي .. والله ما اعرف شنو شعوبي ومره كالوا عليه شيوعي .. يعني كافر ....
هنا صاح طركاعه من مكانه امام الحاسبه ( مو شعوبي ... شع وبي ) هذا عازف الجوزه بالمقام العراقي ....
تجيب بلاوي : اي طركاعه ... اضحك بعقلي عبالك آني كلشي ما أعرف .
تكمل بلاوي حديثها ...
النوب اجانا عبد السلام .. وصاح .. انا رجال قومي واحب القوميه العربيه .. بس داده هذا جاب وياه البعثيين وخلا foraten.net/?foraten.net/?foraten.net/?foraten.net/? البكر ريس وزاره .والبعثيين لبسوا وصل خضر بزنودهم وكتبوا عليها حرفين ( ح . ق ) يعني حرس قومي داده وكاموا ياخذون البنات الحديثات من بيوت اهلهن ويكولون ذني شوعيات .. نحقق وياهن ونردهن .. ولجن داده ولا بنيه ردت لاهلها .. سوده عليه مدري شسووا بيهن سوده بوجوهم على ذيج العمله الفاينه .. عيني وماكو هيه .الا .. تسع اشهر وما نحس الا الطيارات فوك روسنا ...وطاخ وطيخ ....
ها يابا .. خير اشصار ..... كالوا عبد السلام مسوي انقلاب !.... اي عليمن ؟.. اشو هو ريس ؟ .. قابل مسوي انقلاب على نفسه !؟....
كالوا ... لأ ... عالبعثيه والحرس القومي ... ولجن داده .. ويلعب بيهم لعب ... شي بالسجن وشي انكتلوا ... والبقيه منهم شليع ..شردوا خارج العراق .... وارتاحت الناس شويه من الحرس القومي ....
عيني وفد يوم من نحس الا الرايدون يقرا قرآن .. شكو ..؟ كالوا عبد السلام مات .. احتركت بيه الطياره وهو جاي من البصره .... بس الناس اشو جانت هم فرحانه .. ويصيحون ( طار لحم .. نزل فحم ) . مدري شبيها الناس .. على كل مصيبه تفرح وتصفق .
ما اطول عليجن ياحبيبات السالفه .... حطوا اخوه بمكانه ... عبد الرحمن عارف .. خطيه جان فقير ورجل دجاجه ما يحل ... عيني وجرُب .. جان يرجع foraten.net/?foraten.net/?foraten.net/?foraten.net/? حسن البكر ويسوي انقلاب من جده وجديد ... ويجلب بالحكم ... ورا عشر سنين الله لا يجذبني مدري 11 سنه .. . وفد يوم جان يطلع بالتلفزيون ويكول آني مريض وراح احط صدام بمكاني .
( شلون كلاوات ) . ولزمها صدام ... واشلون لزمه ... تجليبة اعمى بشباج الكاظم ... واشتغلت رحمة الله علينا ...
كل يوم حرب .. مره ويا ايران ... والنوب ويا الكويت . هسا غير يجوز ويبطل ... هالنوبه كام يتحارش بالغضب الاسود ... ما لكه غير امريكا يتحارش بيها ... عيني ويسوون علينا حصار مثل ايام التموين كبل ... ويصير كلشي حصره علينا .. حتى الخبزه كامت ما تجي الا بطلعان الروح ...
تقاطعها احداهن : اكلج بلاوي والله ثبرتينا .. شنو قابل احنا هذا الخرط ما نعرفه . عبالي عندج سالفه جديده .؟
بلاوي تصيح على احدى بناتها : ولج كومي جيبي جاي لحجيه نوفه .. اشو يبين زعلت .
عيني دخلي اكمل سالفتي ... اشو ماعدنا لا شغل ولاعمل
. حجي طركاعه ومكابل هذي الحاسبه مدري شيحسب بيها .. تكولن عنده حسابات دفاتر بيت اللنج .( بيت لنج شركه انكليزيه كانت مستثمره الأرساء والتفريغ في البصره )
حجيه نوفه : كملي كملي خل انشوف شلون راح تصفى ..
حجيه بلاوي : اي عيني ... وين وصلنا ,, اي يم الحصار .. وتالي ما تالي ماجازت امريكا من عدنه .. وجان تضربنا وتطب بجيشها علينا ... اشو صدام والحكومه والجيش .. تكولن زبده وماعت .. لا حس ولا خبر ..وين صاروا.. محد يدري ... اي لعد وين صار النفخ وذاك الحجي القوي .. اشو كلشي ماكو ..! والله آني تعجبت .. كلت معقوله .. هذا صارله فوك العشرين سنه يبرم علينا وتاليها طلع بوخه ... http://www.djlah.net@ كلمة ممنوعة @@...lies/eryeu.gif
ولجن حبيبات ذبنا بحلك السبع وانهزم .. حيف ... والله حيف عالزلم .. اللي تنفخ بنفسها ...اوكت الصدك تطلع زلم فاشوشي .
ماعلينا .. والصار صار .. اكو ناس فرحت وكالت خلصنا من صدام .. بس ربعه انقهروا وظموها بكلوبهم ... هناك وجان يبدي الضرب عالأمريكان .. كيفنا .. كلنا اي والله انتخوا ولد الملحه وراح يطلعون ذوله الكفره من العراق .. يوم .. يومين .. اشو بده الضرب علينا .. كاموا يذبحون بالناس الفقره .. ويفجرون عليهم السيارات .. وجم خبل . كام يلبس حزام مدري شحاطين بيه .. وينفجر عالناس ويكتلهم ... خطيه... سوده عليه .. اشكد راحت شباب واطفال .. مالهم ذنب .. أهئ أهئ أهئ ... :66 (185):
حجيه بسهيه : ديالله عيني بلاوي لا تبجين .. الله يرحمهم .. كملي سالفتج .. بس الله عليج هذا مو كلام حجي طركاعه ..؟
بلاوي : يمعوده اشخبصتيني بطركاعه .. عبالك بس هوا يعرف يسولف ..
ها خياتي .. وكالوا انتخابات .. وكيفنا .. وانتخبنا .. وتشكلت حكومه .. اي... كلللللششششششششش . :66:
يمكن راح نساوي الوادم ونصير مثلهم .. اشو هناك .. وجان يكولون ذوله حراميه .. وهذا الوزير باك مريار مدري اشكد ..
اكلجن هوه اشكد هذا المريار ..؟
نوفه : اوي وشمدريني يمه . http://www.djlah.net@ كلمة ممنوعة @@.../smilies/3.gif
بلاوي : وذاك الوزير باك مدري اجم مليون . عزا العزاج بلاوي .. اشو كلها بالملايين والمريارات .. ؟!
لعد ذوله الفقره المساكين اشبقولهم .؟
والنوب صارت مريشيات .. تكتل بالعالم .. هذي مريشيا اسلاميه .. وذيج مريشيه سياسيه .. اوكعنا بين حانه ومانه ..
ولجن حبيبات .. اشو لا الأولين نصفونا .. ولا التاليين رحمونا .. لشوكت نضل بهذا الحال ياربي .
هنا انفض المجلس النيابي لبلاوي واحداهن تعلن بصوت مرتفع .. عابت هيج جاي ... اصلاً بارد ومامخدر زين .
ولج بلاوي موعيب تقدميلنا جاي مال وجبه مظروب.
بلاوي : ولجن مو صوجن . صوجي القدرتجن وصار لي ساعه اسولف وياجن .. يلا بره .. والتجي النوب الا اكسر رجلها .
هنا اخذ طركاعه نفساً عميقاً وتناول استكان الشاي مع حبة البراسيتول وعاد الى القسم السياسي في منتديات الفرات .
بقلم كرطاعه
كُتب بتاريخ
25/5/2008
تحياتي
رد: طك فش . كلشي ما فتهمنا ..
بارك الله بيك اخي طركاعه على هذا المجهود الكبير
موضوعك هذا مثل الهوى والماي بالنسبه الي
ومثل الكهرباء المستمره بالصيف
تقبل تحياتي
رد: طك فش . كلشي ما فتهمنا ..
اقتباس:
المشاركة الأصلية كتبت بواسطة الزير سالم
بارك الله بيك اخي طركاعه على هذا المجهود الكبير
موضوعك هذا مثل الهوى والماي بالنسبه الي
ومثل الكهرباء المستمره بالصيف
تقبل تحياتي
الله ينعم عليك دائماً بنعمة الهوى والماي
ويديم على كهرباء اليابان بصيف العراق
شكرا للمرور والتعليق
تقبل تحياتي
رد: طك فش . كلشي ما فتهمنا ..
صراحة بكل معنى الكلمة اعجبني الموضوع جداً
واسلوب الحديث والحوار الرائع الي اتبعته فيه
بس شلون استغنت عن خدماتك والله وسفة ..
بس خوش حجية بلاوي جايبة التاريخ كلة مفصلته تفصيل
تقبل فائق تقديري واحترامي
رد: طك فش . كلشي ما فتهمنا ..
مشكور عزيزي ابو علي
سالفة ام البلاوي شدتنه ولو انه هذه الأحداث سامعين عنهه
بس طريقة السيناريو والحوار للموضوع كانت تجذب القارئ
عاشت ايدك على هذا الموضوع وان شاء الله حجية بلاوي مستقبلا ماراح تسولف الا على عراق الخير والإزدهار
وهذي ماهي بعيدة على رب العالمين ويجزيكم الخير على هذا الصبر والمعاناة الي استمرت عقود من الزمن
وان شاء الله راح (( تــفـــــــــــرج يـــاعــــــــــــراق ))
تحياتي لبو علي
رد: طك فش . كلشي ما فتهمنا ..
اقتباس:
المشاركة الأصلية كتبت بواسطة الحــر
صراحة بكل معنى الكلمة اعجبني الموضوع جداً
واسلوب الحديث والحوار الرائع الي اتبعته فيه
بس شلون استغنت عن خدماتك والله وسفة ..
بس خوش حجية بلاوي جايبة التاريخ كلة مفصلته تفصيل
تقبل فائق تقديري واحترامي
عزيزي الحر
في التاريخ عبره ...
نحاول سرد مامضى باسلوب بسيط وسلس ومن خلال قصه او مشهد
حتى يكون سهل ومقبول من قبل القارئ ..
شكراً لمرورك وتقبل احلى التحايا
رد: طك فش . كلشي ما فتهمنا ..
اقتباس:
المشاركة الأصلية كتبت بواسطة ام فيصل
مشكور عزيزي ابو علي
سالفة ام البلاوي شدتنه ولو انه هذه الأحداث سامعين عنهه
بس طريقة السيناريو والحوار للموضوع كانت تجذب القارئ
عاشت ايدك على هذا الموضوع وان شاء الله حجية بلاوي مستقبلا ماراح تسولف الا على عراق الخير والإزدهار
وهذي ماهي بعيدة على رب العالمين ويجزيكم الخير على هذا الصبر والمعاناة الي استمرت عقود من الزمن
وان شاء الله راح (( تــفـــــــــــرج يـــاعــــــــــــراق ))
تحياتي لبو علي
الاخت ام فيصل
مرورك على مواضيعي وردكِ عليها احلى من الشهد
تقبلي تحياتي
