خناجركم بعدها أتمرعد الدلال

*
خناجركم بعدها أتمرعد الدلال


يل كَلتوا الخناجر دونك انسلها


وما فضت حسبتي من الكَلت والكَال


يل كَلتوا الصعاب العاليه أنحلها


تحملت الصخر وماكَلت تعبان


بس جلماتكم ما أكَدر أحملها


يل وكت الحجي أتسوولي الماصار


أو واحدكم بجذبه ألافه يكتلها


نعامه وبالرمل من خوف دفنت راس


لكن بالمذله أتكَبعت كلها


كافي من المزامط والحجي الجذاب


أريد اليوم حد اللوحه أوصلها


أريد أحجي أبكَباحه وأسحكَ أعلل العيب


ولو منكم أديه أبحركَه غاسلها


لأن بيكم اطباع الذيب هيج أطباع


غير الجفن ما واحد يبدلها


غير الجفن ما واحد يبدلها




تحياتي لكل مغدور من اعز ناسة

كلمات في غايه الروعه
شكرا لكي اختي العزيزة على هذه القصيدة
من ابداع الى ابداع الى تالق اخر
دمت ودام لنا هذا العطاء
ولكي مني ارق التحايا

شكرا لكي يارنا شعر جميل مع تحيات الجنابي

قصيده رائعه رنا تحيه لك لهذه الكلمات الرائعه بوركتي اختي العزيزه

الله الله روعة اختيار اكثر من روعة الكلمات الى تختاريهة كلهة معبره

وتخترق القلب الحزين وتفجرة ومتخلى بى شى الا يون على كلامج

تسلمين ويسلم اختيارج

والله وحكج علينه رناوي الوردة
ان شاء الله ماكو غدر بين الاخوه والاحباب
احنه اسرة واحدة00واذا واحد غلط بحق الثاني هذا مو يعني ان الدنيا انتهت
اتمنى لك التوفيق اختي العزيزة00
بانتظار جديدك

كلمات مؤثرة مؤلمة

وصف دقيق لحالة المغدور والغادر

نعامه وبالرمل من خوف دفنت راس لكن بالمذلة اتكبعت كلهه


يسلم الشاعر الى ابدع وتسلم الانامل الى اختارت ونقلته

عزيزتي رنا وهبنا الله نعمة الشعر لنبث بين حروف القصيده اهاتنا والامنا سلمت يداك على هذه الصور الجميله والمعاني البليغه التي حملتها قصيدتك