عاتبنى ابعتابك خل ترد روحى
اوهسنى ابدلالك ياشتل شمام
حتى ازهك وشوفك وينهه جروحى
بيه اشبع غروركيااعز جتال
يتمايل غنج لو بيه ثكل نوحى
تعاتبنى اعلة حالك صار بيك الصار
جا شدل اجروحك هاى وشتوحى
كبل حبك جبل مالاح طرفى السيل
هسة اول زخاخ ايغطن سفوحى
ومنك ماروت يدعج بعد روحى
ولا رادت ولا سمعت ولا حبت
لا تحمل نجاة ابليل لو غنت
اعلمها الورع واطبك عليك الباب
تذكر ضحكتك واجهرت ماعنت
لا لامتك ليش وشوفك اصبح طيف
اشلون ابعدت عنها اشلون ماجنت
وعيونك ابغير عيونها اتهنت
وجفوفك ابغير اجروحها تحنت
ياتل الورد تل اخر السباح
حتة اطفة من اشوف ارويحتى انتلت
كلت انجفة الماى وذبل عود الياس
والوادم نست وبغيرنة اتسلت
واول ماشفت طولك نسيت الصوت
وروحى بلا سبب بجفوفك افتلت
ياكمرة حياتى البعد ماهلت
ياانت وكفانى اتوهدنت وياك
تحسبنى وحسبتى وياك مافلت
كلمن عرف وشرة وشال منها الشال
وتعدة العمر والوادم اندلت
هسة الراح راح وبين ايديك الروح
بس ذمة ابركبتك يوم لو سلت
بس ذمة ابركبتك يوم لو سلت
للشاعر المبدع
عريان السيد خلف
تقبلو مشاركتى:66 (46)::66 (46):
