الشحلبية

سلام عليكم شلونكم اخوان اليوم جبتلكم حلو طيب و سهل و سريع التحضير يعني ماياخذ من وكتكم و خصوصا اذا جفت عليكم خطار يعني وحدة من البنا توكف ع الرسيع تسوي اولما يدخلون و تلهوهم باي شي و بعين لحدما يخلص تقدموه
نبدي على بركة الله
المطلوب :
شعرية تعرفوها يمكن كلكم و هي نوع من انواع المعكرونه اللي تكون كلللللللللللللللش رفيعة و طوال , حليب , نشا , شكر , و اذا تحبون تضيفون قشطة
زين هسه شنسوي نكسر الشعرية بحيث تصير مقدار صمين (بس مو تكسير كلش ناعم يعني بكد طول الشعرية مال تمن شعرية ) هسه نحطها بقدر بيه شويييييييييييييية زيت و نحمسها لحدما تحمر نصب مي يغطيها و نخليها تنطبخ تستوي نكون مسوين شيره و اللي هي عسل اي قطر ( نص استكان شكر و ربع مي و قطرتين نومي حامض) و نخليها تفور و نشيلها نضيفها على الشعرية و هي على النار و نخليها لحدما تنشف و نشيلها نصبها بماعون شوية غميج
زين هسه نسوي المحلبي و اللي هو عبارة عن حليب و شكر على حسب الذوق و نخليها ع النار و بعدين نحضر النشأ و نضيفه الى الحليب و لما يثخن نصبه على الشعرية و نكون مكسرين جوز و نرشه ع الوجه ديكور
نحطه بالثلاجة دقايق و يبرد و بالف عافية