مدرسة الستر(الزهراء العظيمه)

مدرسة الستر موسهله اطبهه اشلون
ودايخ بالقصيده اتريدني اعفيهه
لان شافت ظلع ومجلب اعله الباب
ظلع عالباب شافت شرد احاجيهه
القصيده الفاطمه وصعبه ابشرط تنكال
جم شرط بشرط بس كلت اسويهه
لازم ظلع عندي ودمع لازم باب
لازم بابهه ولازم بواجيهه
ودورت ابستر بس الدمع مفضوح
واذا اضم الدمع شيضم نواعيهه
وي كثر النواعي انجاب طاري احسين
وحرت لحسين اصدن لو اصد ليهه
هاي ام الحسن جامعة اهل البيت
ام المصطفى المصطفى امكنيهه
واذا ام المحمد فاطمه الزهراء
كلي ابيااسم هسه انه اسميهه
يمهه الخوف مايوصل يدك الباب
الخوف ايخاف من اتراب رجليهه
مدارس للستر للصبر للااخلاق
واذا جبت الكرم ينجاب طاريهه
مثل موجود عدنه الجود بالماجود
بالماجود حته الجود مربيهه
يالمعزبه ابظلعهه الباب والبسمار
اخذ هيجي مره اتعزب الماذيهه
وسفرتهه ابفرح مفروشه للخطار
الهله ابنور الوجه ماداعي تحجيهه
بعبايتهه اشكثر نسوان مستورات
سترت ناسهه وستر مااسيهه
نفس هاي العبايه اتصير خيمه وبيت
تالي الليل بس ايتام تلكيهه
ولادتهه ابستر وانطيك الف برهان
مو انه الروايه الخصم يرويهه
تسولف وي خديجه وتعرف الميلاد
كالت راح اجي البيبان اقفليهه
عاشت بالستر حد مالفاهه الموت
اولهه الستر والستر تاليهه
حكمة ربنه هاي الكبر ماينشاف
ربك راد محد يقترن بيهه
شسميهه ستر لو صبر لو اخلاق
اسميهه حرت لا مااسميهه
مو بس انه خايف اذكر الزهراء
حته الستر خاف ايجيب طاريهه

قصيدة رائعه صح السانك وعاشت ايدك اخ الخزاعي بوركت
جعلها الله بميزان حسناتك

تقبل تحياتي وتقديري

علي الملا الخزاعي
ماشاء الله عليك اخوي00 القصيده رائعه في غاية الروعه
السلام عليك ياامولاتي فاطمة الزهراء عليها السلام
عظم الله اجوركم00 بارك الله فيك

احسنت
وعطر الله انفاسك عزيزي
قصيدة اكثر من راائعة
جعلها الله في ميزان عملك
وانالنا الله وإياك شفاعة الصديقة المظلومة
بانتظار جديدك ايها الرائع
وتحياتي لك

تسلم اخي علي
موضوعك روعه

شكرا على الموضوع الرائع

تقبل مروري

اقتباس:

---

المشاركة الأصلية كتبت بواسطة محمد السوداني

قصيدة رائعه صح السانك وعاشت ايدك اخ الخزاعي بوركت
جعلها الله بميزان حسناتك

تقبل تحياتي وتقديري

---

الف الف شكر تاج راسي

اقتباس:

---

المشاركة الأصلية كتبت بواسطة زهرة البنفسج

علي الملا الخزاعي

ماشاء الله عليك اخوي00 القصيده رائعه في غاية الروعه
السلام عليك ياامولاتي فاطمة الزهراء عليها السلام

عظم الله اجوركم00 بارك الله فيك

---

الله ايخليج خويه ممنون