ظلمة الدنيه

ظلمة الدنية
ظلمة الدنيه وتمطر حيل
وعتني كليبي وراد ايشوفك
ظلمة الدنيه وسجة بعيدة
كل هذا وماراد ايعوفك
يتذكر وكفات الموعد
ويتذكر شبكات اجفوفك
جنت بعيني اجمل وردة
وجنت الدفتر وانه احروفك
صاير مدة غايب عني
وغابت عني حتى اطيوفك
خايف من اسيوف العاذل
وضربتني ياحيف اسيوفك
............................
.................................
ظلمة الدنيه وهزني الشوك
وتدري بشوكي اشكد اصيل
متعذبه الروح بهجرانك
ودموعي اعلى اخدودي تسيل
جنت اعطش جفك يسكيني
وجنت اشتمك ريحة هيل
ارد اسمعك جلمه وحدة
يمسهرني بطول الليل
اشما تنسى انته وتزعل
كلبي الغيرك لاميميل
كلبي الغيرك لاميميل
مع خالص تحياتي
للكاتب/ مجيد السيد

الله على روعة الكلمات وابيات الشعر كم رائعة وان شاء الله ما تظلم وتصير ساطعة مثل النهار المشمسة دمتي اميرة بكل ما تكتبين وتختارين وتقبلي مروري

مع تحياتي

الاخت العزيزة وردة مشاركة رائعه سلمت اناملك ,
( ملاحظه بسيطه)....
اختي العزيز اذا متصير زحمه ارجو منك زيارة هذا الرابط للاطلاع على قوانين المنتدى
http://www.alforat.org/showthread.php?t=69909

مع تحياتي وتقديري