دارميات عراقية ... روعه

عيد اليمر عالناس كلهة استراحت *** بس انة انوح عليك وعيوني راحت


لاتهتم على الراح وي همك الراح *** والعالي مو بالطول بالصبر ينلاح


بكلبي احط سجين وبيدي اجوي *** فنة اليكول انساك نصين اسوي


ثاري الكلب بالشوف اقوى من العيون *** يعني التضيعة العين بالكلب مدفون


غربة ودمع همال فايض بأدينة **** مشتاكة للطيبين روحي الحنينة


بكلبي اجر اسلاك بس كون اتصل بيك *** فدوى الرصيد ايروح بس كون احاجيك


كل مر جرعته يهون بس مر الفراگ ... أشهگ بشهگه موت من گلبي يشتاك


مثل السمج علگاع خلتني دنياي *** لا مشوي لا مطبوخ لا واصل الماي


تدري آني شعري سهام لو صوبيتك *** من كلبي هذا أحساس تفهمني ريتك


أعرف أسرارك زيــن وعرف سهامك ... طيبة ومحبة البيك موضع كلامك


يم بيتي ريتك كون واشمرلك العين *** تشبعلي منك شوف وتردلي بعدين


أشمرلك العينين لو يمي بيتك *** وانتحر ست مرات لو ما لكيتك


خليني فدوة وياك للموت اريدك *** صدكني روحي تروح من الزم ايدك


اجرحني انته وشوف عاين عليه *** ما يمشي دم بحشاي تمشي انت بيه


مع تحياتي....


(( منقــــــــــــــول ))

عزيزي اسامة
باقة دارميات جميلة
شكرا لك وعاشت ايدك
ننتظر المزيد منك
تحياتي لك وارجو منك التكرم والمرور على هذا الرابط


http://www.alforat.org/showthread.php?t=22548

باقه منوعه من الدارميات الروعه
ننتظر جديدك وتقبل تحياتي

اقتباس:

---

بكلبي احط سجين وبيدي اجوي *** فنة اليكول انساك نصين اسوي

---

الله الله دراميات رائعة عاشت الايادي اخويه العزيز

تقبل تحياتي وتقديري

خليني فدوة وياك للموت اريدك *** صدكني روحي تروح من الزم ايدك
http://www.falntyna.com/img/data/media/11/roos-23.gif

منورين الدارميات بمروركم الغالي وشرفني مروركم