اليكم الخبر التالي
المفرح الذي يسر القلوب
عرض للطباعة
اليكم الخبر التالي
المفرح الذي يسر القلوب
العراق يستورد 95% من حاجاته الغذائية من الخارج
مااعرف هذا الي اسمه بابان مااعرف بطران مااعرف صخمان
المهم هذا الفهيمه اليوم يالله دره بان العراق يستورد 95%
هو العراق خلوا شي مااستورده بلد الرافدين يستورد ماي ولكم ماي ولكم ماي جا شبيه ماينه ما تصفونه هم ماعدكم فلوس ميخالف انسويلكم تبرعات لتصفية المياه
شلون الحزبيه كبل من يجون كل يوم تبرعات يوم النخله يوم الكرعه ويلمون بس كانت على اشياء فارغه عمي ميخالف امر الله نتبرع هسه لو تفتحون بطني يطلع لوري رومل وشويه سمنت ابنيلي غرفه
من صارت 95% يالله حسيت على السيادة الوطنيه
كلشي مستورد
الطماطه
الركي
الماي
الهوى
البطيخ
الالبسه
التمر
اللبن
الاجزة الكهربائيه
العجم
الهنود
البهارات
أحزمه ناسفه
عبوات
قنابل
دينصورات
كلندايزر
كباب شوي
جكاير بالكوكو
جداحات
احذيه حشه السامع
كتب اوراق اقلام
والحبل عالجرار
بالله اني حجيت شيش بيش
بس بالصدك كم سالفه وكم حاجه
وليش وين الخيرات وين الصناعات
وين الفلوس وين النفط
ليش العماره اغنى محافظه بالعراق لكن افقر شعب بيه
وغيره وغيره
وخليه سكته لا أشمر الابتوب بالكاع واسويه طحين
مع تحياتي الك عزيزي ابو الغيث
وعذرا على الاطاله
السلام عليكم ورحمة الله وبركاته،
فعلاً بشرى سارة علينا أن نفرح لذلك فنحن تقريباً نستورد كل شيء .
ونستغرب البطالة الكبيرة بين شبابنا .
هذا بدل ما يتم فتح المصانع والمنشأت لخلق فرص العمل.
أكيد إذا نستورد كل شيء جاهز في ماذا يعمل الشباب.!
والله الأمر مرير ولاألوم الأخ الزير سالم .
الله يكون بعونك ياعراق.
شكراً لكم أخينا الفاضل أبو الغيث
وفقكم الله وبارك بكم.
السلام عليكم اخي ابو الغيث المحترم
هي اشبقت على 100 خمسه
الخمسه هيه اجور تحميل المواد وتنزيلها لما توصل الى المستهلك اصير 100\100
خلوه سكته
بلد النهرين يستود اخيار من الدول المجاوه
تحياتي
وبعــد وبعــد راح نشـــوف بالعـــراق المظلـــــوم
وراح يصير من ضمــن عجائب الدنيا السبعة
بفضل جهود السياسيين وتفانيهم بخدمة الوطن والشعب
ويــن راحـــــت ارضــك ياعـــــــراق ( أرض الســـــــواد -- والمليــون نخلـــة )
(( وراح تفــــــــــــرج يـــاعـــــــــــــراق ))
مشكور عزيزي على هالخبر المفرح
وتحياتي لك
هههه والله خبر مفرح الله يستر عليك اخ ابو الغيث كولت
الاغ ابو علي خليهة سكتة
تحياتي على الاخبار وتقبل مروري اهل العراق
هههههههههههههه
والله واحد ماعرف شيكول بس الله كريم
زين الخمسة بالمية هاي احنا نزرعهة هاي نعمة اذا بس خمسة بالمئة على الحروب والطاك والطكيك
مشكور اخوي ابو الغيث
تحياتي