ولاكلمن يكرهك بابه ينسد
اكو مسدود بابه وكلبه مفتوح
واكومفتوح بابه وكلبه اسود
اذاطشيت صحبانك على الماي
اثكلهم وفه بالماي يركد
واخفهم يظل طافح عالماي
يروح ويه الجزر ويرجعه المد
اذامحتار سافر تعرف الناس
منو يزت القطار ويوكف ازيد
اكو تشده بحبل ويكطعه ويالروح
واكوبكلمة شرف عالسكه ينشد
كو بمشية قطارك عينه تحتار
وبالحظه الاخيره وياك يصعد
واكويشيل المحطة ويه القطارات
ويدكها على كلبه وصدره ينسد
فرق بين اليعبدك بالمحطات
وفرق بين البنالك بكلبه معبد
لاتأمن بشر من طين مخلوق
بس اربعطعش طينة محمد
موكلمن ضحكلك منه ترتاح
ترى ناب الضبع من كل ضحكه بنحد
لاتحقد على كلمن يبجيك
اذادمعك طفح صدكني تبرد
البشر دله ويفور بداخله الضيم
ولو زادت النار الضيم يشتد
منقول
