ابو ذيات جميله

حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه



هام الكلب بيها من شفتها
وعرك خدي على خدها من شفتها
حرت اشلون اهد شفتي من شفتها
مثل كضت قفل وانلحمت عليه


حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه


روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه


اسعد شخص بالدنيا من شفتها
وردت ما ترمش عيوني من شفتها
ردت اروي شفني من شفتها
حللت خدها وحرمت شفتها عليه



تحله البوسه محبوبي من شفاك
عسل وتغمسه اشفافي من اشفاك
تطيب اعضاي كلها من اشفاك
لان شفتك دوة موصوف اليه


اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه



تحياتي الكم


م_ن_ق_و_ل

شكرا اخي العزيز اثير الورد
على الابوذيات الرائعة و المميزة
عاشت الايادي ياورد
كلهن حلوات بس هاي عجبتني كلش

حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه
وتحياتي
http://up.foraten.net/uploads/64d7738e18.gif

الله الله الله عليك
مشكور عزيزي
ابوذيات حب راائعة عاشت ايدك على هذا الإختيار المميز
ودام لنا هذا التألق الدائم
تحياتي لك عزيزي

شكرا لك اخويه ابو شهد على مرورك المعطر