حد هوانه

وصلنه الحد هوانه اوصارت النكته
أنكطع ناي الفرحنه اوماتت البسته
مثل زفت يتيمه أبليل مرت بالجرف سكته
عركنه اومستحانه ايسيل من عين الكلب فضته
أورديت أعله سجت ضيم بس مر الفشك جبته
نثار اشته يهاي الروح ماينفع نثار اشته
اوحته من أيحمل ويصير مايثمر ولج نبته
أوغيم القشمرج خداع من هرف سبك وكته
بنيت أعللنزيز أبيوت طين المايضل صمته
أو وصل ظحك العزيز أعليج حد ماتنشد السبته
شلت جفي أوكلت لهناه حدنه أويلنكر درته
ترافكنه أعله زين اوشين هاي اوذيج رافكته
نكث جفه نكث جفه اوشمرني اوكال ماصخ زادك الضكته
ردي وليحب معذور كون اهواج رايته
لو تجفين وليجفي يشيل من الهظم حصته
بجت كالت شكول أعليك مال أرويحتك خفته
يعمي لون تنفع بواجي الروح جاردت صخر لخته
اولون ينفع مصاغ الروح جا باج الكلب صغته
أوزناجيله أشتصير أطوال جا جبت الزرد حمته
عذره الماخجل ويكول منهو أنته الكلب بعته؟

اوحط اوجمل اوعدد أوكلت ياروح هذه الحد
مشينه أثنينه أمكيفين واحد من وصل مارد
أو واحد ردته الحسبات ولنجم الصبح منشد
غفت كل العواذل خوش كلنه اومالمحنه أحد
أثاري الناس شافتنه أوبينه أيسولف المشهد
ولك يفلان يمعود ؟؟؟
عزيزه الروح عندي أرجوك لاتسحك غصن ورد
عمي لاتحفر بعد بالروح فاسك لونزل ينصد
جبته من الزغر مدلول ؟؟؟
ها فز ها بجه ها وجه الفجر غرد
ها عين الحسود أعليه صدت ولحسود أرمد
عشكت أسمه عشك جتال عشك الكحل للمرود
أوهذوله أحنه وصلنه الحد ردينه لطمنه ألخد
بجينه أومن حزنه أعليك كبعنه البدن بســــــــــــــود

كبعنه البدن بســــــــــــــــــــــــــــــــــــــــــود
________


الخالدي

احسنت عزيزي
شكرا لك على هذه القصيدة الرائعة
اختيار موفق وكلمات رائعة
ننتظر جديدك -- ودمت بخير شاعر غرام

شاعر الغرم
شكرا على جميل ما قدمت هنا

تحياتي


تحياتي

العراقي