ردااا على قصيدة ابوي الغالي...اسأل اسأل ...اخ يادنيا المظاهر ...تغيرت ناسج شجاها

أسأل .... أسأل عاليحبك
عندي اهوايه يبعد اهلي السؤال
ما اريدك يوم تغتر
تره الدنيا تدور احفظ هالمقال
لاقوي يبقى قوي
او لاحلو يحافظ على ذاك الجمال
اليضل بس الوفه
والسلوك الزين والحب والوصال
المال صح ايمشي حال
لجن عمره ماعله ابو احد المال
الدنيه شفنه اشكال بيها
رايح اضربلك مثال
شفت واحد فوك يصعد
وشفت واحد يتروى بيوم النزال
شفت واحدعاش بالذل
وجان عايش بالدلال
شفت واحد عسل يحجي
يقترب منه الكمال
وشفت واحد عاش عمره راسه عالي
وظن اعله من الجبال
غيم شفنه ... مطر شفنه... ظلمه شفنه
او للحجي ماكو مجال
ضاعت علينه الحقيقه
زغار وكبار بجدال
هذا قال وذاك قال
اتغيرت دنيتنا كلها والاحوال
قسم من الناس تتظاهر الطيب
والوفه والزود من عدها محال
والبعض بالكرم حاتم ... واظن اكثر
والكرم ماله حرام ومو حلال
اخ يادنيا المظاهر ...تغيرت ناسج شجاها
انتي مو جنتي نظيفه
ومايج اصفه من الزلال
الناس هي اتغيرت لو ضرف مر
ارد اسئلج هالسؤال
وانه اجاوب لو سمحتي
الدنيا ذيج الدنيا لجن ناسها عافت الخير
وجلبت بالشين من ذيج الخصال
القوي مصرفن اردانه
والغني باع واشتره بذيج الرجال


منقوول
وسلامتكم

تحياتي للجميع

حلومه الغاليه
شكرا عاى المبادره الجميله
وتحياتي لك ويسعدني
ردك الجميل
الذي اسعدني فعلا
ربي يحفظك

شكرا لك يااحلام
قصيدة جميلة
عاشت ايدج -- ودائما مميزو بالإنتقاء
دمتي بخير
وتحياتي لك

اسعدني مروركم الكريم والعطر

تسلمون ربي يخليكم ويحفظكم

ودوم التواصل ياربي

تحياتي للجميع

ابوي الغالي
وغاليتي ام فيصل