ومضات شعريه جميله لعيونكم

تصح ومضه شعر تفرش دواوين
ويصح ديوان ما يفرش حصيره
وتصح لمه زلم ما تسوه فلسين
ويصح مثلك اخو يسوه عشيره


بوطنه الامهات باسود معصبات
ولابسات الحزن احله اكلاده
وبوطنه الدمع شك خد الايتام
والضحك شكك احلوك القاده


كلب ثاني جبت حته اكدر انساك
صارت كارثه وحبك الثاني
عليك اتعاركن هذا كتل ذاك
زعل كلبي اعله كلبي وموتاني


من شفت السعف متعلي فوك الناس
حسبالي جبير وما يطخ راسه
شو لمن يبس طك منجله الفلاح
ذبه اعلة الارض شو صار مكناسه


أتوقع يجي فد يوم انساك
بس يمته اموت ولا يجيني
اعرفك مو ألي بس كلبي يهواك
لان انت الوحيد المالي عيني


درس المدرسه يشبهك احسن بيه
واحس اثنينكم تمشون بجروحي
ذاك اول درس علمني كلمه دار
ونت اول درس دليتني بروحي

تحياتي لكم

منقوول

تسلمين حبيبتي على الموضوع الروعه والجميل

اقتباس:

---

تصح ومضه شعر تفرش دواوين
ويصح ديوان ما يفرش حصيره
وتصح لمه زلم ما تسوه فلسين
ويصح مثلك اخو يسوه عشيره
>>>>>>>>>>>>>>>>>>

من شفت السعف متعلي فوك الناس
حسبالي جبير وما يطخ راسه
شو لمن يبس طك منجله الفلاح
ذبه اعلة الارض شو صار مكناسه

---

هذه ليست ومضات شعرية , بل ديوان من الشعر
سلمت لنا اناملك وذائقتك اخت احلام
تاتين الينا بأجود الشهد ايتها الرائعة

تقبلي تحياتي وشكري الجزيل

احسنت حلومه ع الاختيار
الجميل للومضات الرائعه
وشكرا لكل اختياراتك المميزه
وجهودك الواضحه
تحياتي
ابو احلام

تصح ومضه شعر تفرش دواوين
ويصح ديوان ما يفرش حصيره
وتصح لمه زلم ما تسوه فلسين
ويصح مثلك اخو يسوه عشيره


والله وصح لسانج عله هالومضات الرائعة
ودام لنا فيض قلمك وذائقتك الجميلة
تحياتي غاليتي
وننتظر ماتجودين به علينا
شكرا لك --- احلام

شكرا .. روووووووووووووووووووووووووووعه

أشكركم من كل قلبي
علي هذا الحضور الدائم هنا
الذي يبث لي عطرا مميزا دائما
ويسعدني ويسر خاطري
مروركم هاهنا له ميزة
خاصة لدي وتواجدك
له وقع جميل هنا
فدائما كلماتكم وردودكم
تخجلني وتجعلني
أحتار ماأكتب في حقكم
وأكتفي دائما بالصمت
والشكر لكم علي
تواصلكم الدائم
لكم مني كل تقدير
وأحترام