غبت عني وغيبتك صارت طويلة

محتاجك نفس بس وين ألاكيك
مشيت وغيبتك صارت طويله

ألوج عليك مثل الشارب السم
ومثل لايج كلب مصيوب جيله

يطك جرحي ملح وألكاك خنياب
هلبت شاخه منك تعتنيله

وكاسر بالصبر مايكسر وياي
لأن حتى الصبر مهدوم حيله

بجيت عليك حد ما ذابت العين
جا ذا مو ألك ياهو ألأبجيله ؟

تمر ليال هجرك صفنه ودموع
كل ليله بسنه وحسبها ليله

مو كتلك دليلي وياك خليه
بشر من غير دم شله بدليله

تعال مروتك سويها للاه
وغير مروتك ماعندي حيله

أظل أتأمل عيونك تجيني
لوحسبة وصالك مستحيله

جربت الوسائل كلها وياك
وتعبت هواي مانفعت وسيله

بس الطيف ظل يباري للعين
وهم مامش جفن يكدر يشيله

وأخاف حجايه من شامت تجيني
وتدري حجاية الشامت ثجيله

باجر شعتذر لو......... عيروني
أكول الوكت ذب روحي بشليله

شمعزها الروح ماذلت فرد يوم
شجاها وصارت بحبك ذليله

منقول


مع تحياتي الاسدية

لي الشرف ان اكون انا اول من يرد على هذه القصيده الرائعه بكل ما فيها من معاني حب صادقه دائما متميزه في اختيارچ للاشعار الرائعه تحيه الى رنا من القلب
كوني قريبه دائما لاني ومن خلال صورتك الرمزيه اشعر بكلماتك الصادقه عندما تكتبين تقبلي مروري
سلام الدراجي

قصيدة جميلة جداً سلمت اناملك اخت رنا كلك ذوق ياذوق
ننتظر منك المزيد

تقبلي تحياتي وتقديري

قصيدة رائعة بمفرداتها ومعانيها
يارنــا
سلمت يداك على هذا الإختيار والتذوق
دمتي بخير دوما
وتحياتي لك

حلو جدا جدا جدا ... وهم جدا