الخطوبه خلي نتكافش تعالوا
السلام عليكم ورحمة الله وبركاته شلونكم يا أحلى فراتيين
اليوم راح نسولف على شي أسمه :-
(الخــــــــــــــــطو-و-و-و-و-وبه)
في الفترة الآخيرة بدأت تظهر اشياء غريبة ,,,, كل الامور والمفاهيم القديمة انقلبت رأسا على عقب ومن ذلك موضوع الخطوبة....
الخطوبة كما نعرفها هي وعد بالزواج وليست زواج ...... يعني الأثنين اغراب عن بعض ولايجوز لهما الخروج سوية بدون قيود - فسح ورحلات واتصالات و......و.....- فأصبحت الخطوبة الآن زواجا اصغر..
الخطوبة كانت من اجل انك تتعرف على البنت اللي حتبني وياها مستقبلك ... تعرفها وتعرفك تحب شنو وتكره شنو و لكن الخطوبة الأن وبكل صراحة بقت مجرد حجز....
يعني خصم الحجي
أنته عرفت بنيه (كبلت وياها ..أمك جابتلك صورتها ..بالنت عرفتها ...صديقة أختك..بابا عرفك عليها هاي ما أدري شلون رهمتها أني بس مشوها هع هع , ويمكن الخطوبه طولت 5-6 سنوات أو يمكن ما طولت ركض ركض حتى لو شهر (ما ادري ليش مستعجلين على الضيم هع هع )
رأيكم شنو في الموضوع هذا ,,,, ولو انت ماخاطب نظرتك للخطوبة شنو ؟؟؟
ورايكم شنو في الخطوبة طويـــــــــــــــــلة المدى 5 6 سنوات ......وصدكً بدون هلمده محد راح يعرف اللاخ ؟؟؟
رد: الخطوبه خلي نتكافش تعالوا
أو يمكن ما طولت ركض ركض حتى لو شهر (ما ادري ليش مستعجلين على الضيم هع هع )
سيدتي الفاضله ما كل هذا التشاؤم الكاذب هههههههههههههههه يتمنعن وهن راغبات هههههههههه
ولو انت ماخاطب نظرتك للخطوبة شنو ؟؟؟
بالفعل الان انقلبت الموازين والخطوبه المفروض انها تعرف اكثر على الطرف الاخر لااكثر
ورايكم شنو في الخطوبة طويـــــــــــــــــلة المدى 5 6 سنوات ......وصدكً بدون هلمده محد راح يعرف اللاخ ؟؟؟
تردين الصدك احسن يطولوهه لان حتى الحب بالزواج مرات يروح فخليهه غزل احسن هههههههههههه
لاطبعا يعني هي فتره غير محبذه هلكد تطول شدعوه شنو ديبني قصر!!!
هههههههههه
تحياتي الج عزيزتي وعلى موضوعج الجميل والخفيف وهسه صدك لازم نتكافش عليه
هههههههههههههههههههههههه
تقبلي مروري
رد: الخطوبه خلي نتكافش تعالوا
هههههههههههههههه
تسلم ياورد علاجاباتك
الله يساعد خطيبتك والله شنو اطول حتى ميقل الحب هاي شنو حبك علكد الخطوبة انت ههههههه
رد: الخطوبه خلي نتكافش تعالوا
لاياعيني موشرط احجي على نفسي
لتوكعينه بمشكله احتمال يقراهه من في بالي هههههههههههههه
تره اني ماخاطب بالمناسبه ومو من دعاة تطويل فترة الخطوبه
ثم اكلج تعالي هنا انتي شعندج ويه المخطوبين ؟!!
ليش متحبين الخطوبه؟ بس لاتطلعين مخطوبه ههههههههههههههههههه
رد: الخطوبه خلي نتكافش تعالوا
هههههههههههههه ها اشو جنك تخاف
يمعود الله يبعدنة بعدني ممتورطة بس اريد اشوف شلون تفكرون بلخطوبة بلة انت اول واحد بلة متخطب حظل ابحدك ههههههههههه